西九龍中心蘋果商場開鋪有得做嗎?

如果冇記錯, 深水埔好似係全香港最低收入既區域. 老人家 / 新移民比例好高.

西九龍中心既店舖多數係生活必需品, 冇乜太 fancy 既野, 佢地唔會因為你係獨家設計而幫襯你, 反而要預Ｄ街坊買少少野都實要講價.

香港咁多大小商場，試下揀年輕Ｄ又高Ｄ消費力既場，唔好一味貪平租, 如果個場有生意, 幾千蚊實會搵得番, 相反, 平幾千蚊租但拍烏蠅的話, 平黎有咩用.

始終那區客人消費力底, 如果不計較利潤只試反應不妨一試, 想賺錢就想清楚或考慮加埋網上商店.

我覺得西九龍有人流, 但點吸引人買就係一個問題.
果度都幾多時裝店, 但都係走中低/年青人路線. 如果你入同一批貨, 可能競爭力幾大.
但如果你自己會design, 而d衫又合年青人口味, 價錢係中低, 我估應有得做.

有創意, 有機會, 可以試吓啦, 果度都幾多人行呀. 不過, 果區係成衣批發集中地, 你的design 要特別D, 試吓先了解一下情況, 知己知彼, 百戰百勝, 祝 成功 !