✔ 最佳答案
你的債項銀碼已過左小額錢債審裁處的處理範圍. 你需要入禀區域法院或高等法院去追收. 不是一定要有欠單. 只需你有銀行轉數紙或支票過戶紀錄或提取現金之銀行紀錄, 便可做誓章入禀. 法庭收到你張稟後會發出傳票要佢出庭.如對方收到傳票而不出席, 法庭可在有足夠理據下,在他決席下判你勝.如對方出席, 咁就各憑自已的理據向個官陳述睇吓個官點判. 當法庭判你勝, 你就可憑法庭的命令以合法行動追債, 包括釘佢契, 強制要佢賣樓還債, 或向法院申請個"扣押債務人財產令狀 ( Writ of Fieri Facias)", 任命執達吏 (bailiff) 去沒收佢擁有汽車 , 傢俬 , 辦公室設備 , 電腦或藝術品等個人資產或動產 , 並將之出售以償還欠款, 甚至申請佢破產.
收數公司亦係可行的方法. 但要留意, 市面上好多收數公司都係由江湖人仕開辦. 我見過好多case, 債主收唔番條數之餘重唔見$! 例如: 亂收費用, 收數公司講大話話個收數職員俾人打, 要債主賠湯藥, 甚至收左條數唔交番俾債主! 所以小心選擇!
2007-05-17 16:38:06 補充:
睇完如合用請評選吓!!我最怕用咁多心機去答, 而發問者睇完就算, 結果俾删除左.........