點樣可以脫離sale屎的魔掌

態度要強硬d先得喎....
唔係ge話人地會以為你係心思思....未決定買唔買
所以先勁sale ga喎.....

p.s係態度強硬,唔係冇禮貌

態度強硬兼維持禮貌~其實你已經講中晒!實際對答冇人答到你,但可以一試同佢講你已用過佢哋的product,但唔適合,講到你仲熟過佢哋,曾好有誠意試,只是令自己失望,講幾講,佢都唔好意思sell你啦,唔通送俾人用咩...當然佢心裡面實唔like,但大家可以客客氣氣已經好好,你唔好寄望可以真係同佢fd啦~係咪?!

我而家同你都一樣咁ge情況
我而家係dr度做facial的(因為我覺得呢間野有d離譜,所以要講埋名,各位姊妹要小心)

我之前就係耳仔軟,我初初係免息分期18個月,每個月都係供$370果d普通facial,
而家?比佢地哄哄下已經係要供每個月$2xxx喇!!!

其實我諗你同我都係d耳仔軟,心諗唔好難為d sales,大家都係搵餐晏仔ja.
就係因為咁樣,我而家越供越多,我而家好似個個月都好似係出糧比佢地咁

我呀媽話,如果當你一諗起你出糧就好似出糧比佢地咁,你就會好唔甘心

佢地呢排都係次次見到我都sell我,不過我都係話冇錢唔買
有個sales問我:家用比少d得唔得呀?
呢d問題都可以問得出,我覺得其實呢d sales好有問題
正如問你可唔可以唔食飯拎錢去做facial咁

你可以放心,點樣同sales keep住好關係,呢個問題唔到你諗
因為只要你reject佢,佢就黑起面走開左,

我而家係做fraxel的,我之前拒絕左再買多d
我做fraxel果陣,見到其他人都有sales跟,
係我冇


我而家都仲有facial同fraxel要係佢度做,
當然,我都唔會同佢地嘈(有失自己的品格)

有次佢sales我,都係sales左成個鐘,我不斷話冇錢,佢offer d free goods比我就越多,\
到最後佢要講ge野都講完,我都係拒絕,佢就會黑面比我走


如果趕時間,就問佢拎張receipt sign返就即走

其實sale目標只有一個：sale到野比客—賺錢
我用過最有效的方法是由頭到尾表明冇錢！
如果成日會見到佢，咪每次埋親黎都直接講冇錢唔使sale，只要次次都咁講，佢知冇機會就會唔sale。反而你次次比希望佢，佢會更落力以求有更好方法說服你。你直接講冇錢買得架啦。

其實成日見更加可以直接講人工好少呀，呢排洗哂呀、之類。佢會問你幾錢人工、剩幾多，什至平均用幾多洗費，你通通唔好答。因為佢真係會計，計完就話應該仲可以買幾多錢野…好麻煩的。話搵好少，冇錢剩、冇錢買就得。

冇反應係 係最好既反應

咩都 哦哦聲咁應佢就咁試下啦, 千祈唔好比任何回應


不過你比佢哦足一小時都好勁呀