聚少離多會否影響同居關係？

兩個人相處, 除咗左心靈上, 語言上既溝通, 身體接觸都好緊要. "身體接觸"唔係淨係指做愛咁簡單. 日常生活中的一個眼神, 一個微笑, 你幫佢倒杯水, 佢幫你撥吓撥髮...都係會令雙方感到對方既關懷. 關懷係兩個人相處中, 係同愛分唔開既. 人係一個自私嘅動物. 你試想吓, 係一日當中, 你講得最多嘅字係乜野字? 答案係個 "我"字! 而當一個人缺乏咗呢種 "被關懷"嘅感覺, 愛情亦會隨之轉淡.

現今香港人為口奔馳, 好多夫妻 / 情侶都係聚少離多. 好似你咁既情況, 大有人在. 小小意見, 分享吓:
上心
要令佢感至你既關懷, 其實好易. 記住 "上心"兩個字就得. 玫瑰花, 温暖靚湯之類當然要做, 但一d令佢上心, 成日想起你既野, 亦要試吓. 你上班時佢未回家, 就係張記事貼上鍚個烈焰紅唇印, 貼係佢書枱上. 又或者放條sexy T-back在佢枕頭, 加張紙寫住: "等住試着俾你睇", 令佢成日 / 晚心掛掛, 等住見你. 男既可以一支玫瑰代替唇印, 但唔好放個condom或條孖煙囪在佢枕頭! 哈哈! 女人好奇怪, 你咁做佢只會覺得你掛住佢只係為sex!
感激
有d人話, 男人係用性慾控制個腦, 女人就用個腦控制性慾. 而十個男人, 有8個半都有某程度的大男人心態. 最可以冧死男人, 就係令佢覺得你好 "以佢為主". 當佢放工番黎, 你未上班, 失驚無神捉佢入房, 叫佢瞓係床度合埋眼, 然後坐係佢大腿幫佢用手解決. 唔好同佢真做. 話佢知: "想佢舒服完, 好瞓d!" 係男人都鐘意自巳女人幫佢用手解決. 個男人會覺得你好體貼佢(唔使郁都有得high high!), 亦會好感激你咁為佢設想. 但男人就千祈唔好咁做喎!!都話左: "女人用個腦控制性慾". 男人係個女人未上班時捉個女人入房搞幾吓, 佢只會覺得你好煩住佢, 返工前重搞佢! 校定鬧鐘, 在佢返夜時, 三更半夜送壺湯去佢公司, 等佢吹住泠氣時有啖湯水暖吓胃, 咁個女人會覺得你好體貼佢, 亦會好感激你咁為佢設想.
老馮
現今好多情侶都有一個心態, 就係 "老馮" - "車! 都拍左咁耐拖啦, 使乜咁多花臣!" 初初就卿卿我我, 拍拖, 唱歌, 睇日落, 玫瑰成日有, 溫暖頸巾日日織. 耐左就生日係咁意食餐飯, 做愛次次同一姿勢. 咁嘅情況係因為無 "危機感". 認為個男 / 女友非君不嫁, 非卿不娶. 呢個世界無話無左邊個唔得嘅! 舉個例: 我有個uncle同auntie結左婚50年(!!!). 50年中我auntie每晚一定遲過uncle瞓, 早上一定早過uncle起身. 點解? 因為佢唔俾uncle見到佢落左庒個樣, 亦唔會俾uncle見到佢早上成面油, 大大粒眼屎. 而我uncle就永遠唔會叫auntie "老婆". 佢有個好特別嘅叫法, 佢叫auntie做 "珠". 唔係因為佢個名有 "珠"字, 而係 "如珠如寶" 嘅簡稱! 70幾歲拖手仔行街, 驚喜隨時奉上. 好肉麻, 好誇張?? 係! 但佢兩個都有 "危機感". 70歲都驚對方悶, 怕對方走左. 要知道, 當樣樣事變成老馮, 愛情變成感情, 你地會悶, 想揾新刺激. 危機亦隨之而來!
Effort 係要一齊make架. 不如試下咁吖?! 揾日約埋一齊放假, 同佢入赤柱 / 西貢d露天酒吧, 吹下海風, 天南地北傾下計. 又或者係屋企柵埋大門, 由房做愛做到出廳, 大戰18回合, 玩盡各種花式. 又不如試下陪佢去同d friends打波, 做佢一人啦啦隊吖?
維持一段感情, 係一種藝術. 易學難精. 努力啦!

第一次睇到有咁深入及詳細嘅回答 答得好好 強啊

其實要似乎你們關係穩唔穩定，他為人是怎樣，才可討論

我可以建義就是，你們可以把握對方的lunch time or dinner time 見面、talk phone or send sms 等等，雖然這些事都很普通，但是我相信可以增進大家感情

其實一切都要看大家有沒有心。

輪班,相聚時間很少,親密行為少,是不會影響同居關係.
大家一起約兩年,生活習慣都很明白.
其實如果大家相愛,互相遷就,互相包容&體諒.
對另一半的相信&信任, 大家都有心想維繫關係,是最重要的.

如果大家相愛便不是問題!

其實都有機會嫁...另一半成日都唔係自己身邊喎~想搵人分享喜與悲,最親密個個都唔係自己身邊...個心自然唔舒服LA~慢慢就會習慣無哩個人係身邊...再慢慢覺得一齊都係多剩,SO最后得一條路...就係...
如果可以,不如你搵過份LA~因為咁真係好影響你地既關係嫁...