男朋友唔想今年結婚

家庭及人際關係其他 - 家庭及人際關係

[匿名]

2007-05-16 6:30 pm

同男友拍拖3年,感情穩定,但我想今年結婚,男友話3年後先.我只係想他同我今年簽一張婚書,其他儀式可以唔做,只希望快d簽紙,肯定左大家,我知道我地結得就唔會離婚,但係我想快d簽紙,了左件心事,因為好多人話拖得耐就會散,同埋他都幾靚仔,我怕他第時俾人搶左,大家有無方法或意見俾下我呢?多謝各位!

回答 (8)

Bianca

2007-05-16 10:55 pm

✔ 最佳答案

佢話3年後, 係好認真咁講定係隨口講? 如果佢係認真, 你應該了解下佢有咩計劃, 唔好一意孤行, 否則會令你地感情出現好嚴重的問題

而且結o左婚唔代表你可以綁住佢, 唔好咁天真啦, 等於有好多女人以為生仔可以綁住個男人, 結果係就算綁得住個人, 都綁唔住個心, 仲要大家一齊痛苦 (包括個細路仔)! 你要留佢係你身邊, 就要做個佢心目中的好女人, 等佢即使見到其他女人都會覺得比唔上你, 先至係上策! 如果你覺得咁樣好難, 咁你做出個樣無佢你會唔得 (當然你自己心知未必), 生活上小小事都依賴佢, 佢就算覺得煩, 都會驚離開你你真係會死, 男人多數都會中呢招.

👍 0 👎 0

阿夢

2007-05-17 1:11 am

有時Ｄ野隨緣啦，咁樣即係迫婚同埋你對佢同自己都冇信心，
唔好為結婚而結婚，為綁住一個人去結婚，就算簽左張紙又點？
都可以搵個律師搞離婚啦～結婚係雙方既，佢想同你結時就會結，
話唔定你男友自己都未諗清楚呢，暫時唔想諗呢Ｄ野住都唔出奇，
男人係咁架，你愈迫佢佢愈走，千祺咪製～

參考: 自己

👍 0 👎 0

用戶20074

2007-05-17 12:31 am

只要係真心鐘意就沒問題,況且如果只是喜歡他外表的人,感情一定唔會長久.
佢話三年之後,或者他有他的原因,認為在三年之後才是好時機.
兩人之間的感情並不是只是靠一張婚書來維繫,如果真的沒有感情,婚書也保不住

而是靠兩人之間互相尊重,互相包容來維繫

參考: me

👍 0 👎 0

天藍

2007-05-16 7:46 pm

好理解你o既想法，拍拖三年，既然係感情穩定，點解唔可以結婚？不過，如果你地兩個都少過25歲咁就當別論！

現今D人唔結婚可能係因為婚前已經同居，所以覺得結唔結婚都無問題。對男人來講當然無所謂！但如果個女仔唔讚成同居或思想比較保守o既，咁就會有問題！

請問每個女仔有幾多個三年可以等？我個人覺得結婚係誠意o既問題，你男友唔可以咁自私話等三年先... 其實應該坐低傾下，互相遷就一下時間...

不過，你o既思想要糾正一下，佢靚仔唔代表一紙婚書可以留住佢，佢將來搵到第二個，一樣可以同你離婚。你亦難保將來變果個可能係你！將來係點無人話得埋！不過，只要結婚o既時候大家係相愛，一齊努力去維繫婚後o既感情，先至係最重要！

👍 0 👎 0