男人可以入來分析下(+10点)...吾該

我係女仔..以我既角度去睇依件事..我覺得佢老公其實想靠果個老女人攀關係..
希望能夠擴充自己公司既業務..將盤生意愈搞愈大就真...
依種男人...事業心好重...而且表裡不一...小心小心!!!
正所謂人心不足蛇吞像...
要改變佢...除非令佢質疑自己既價值觀...令佢重新思量人生既意義啦!!!
否則...無藥可救...
要改變一個人...先要令佢受挫折...或者以前條路太順利啦...所以...令佢野心愈來愈大...
俾佢受少少挫折...反而可以令佢有所反思!!!

2007-05-15 23:31:00 補充：
照資料睇，有以下分析：1) 貪新鮮 (同自己老婆都14年啦, 耐左冇搞搞新意思, 增添情趣, 就好乏味)2) 男人有頭家, 始終有個心理負擔, 壓力亦自然大左, 去果個女人度, 冇咁大壓迫感3) 有冇聽講過, 男人係長唔大架, 始終係貪玩, 貪新鮮建議：1) 等佢回心轉意2) 同佢攤牌(話佢知佢有幾過份, 完全唔顧及個老婆既感受, 自私自利, 只顧自己安逸, 又唔照顧個女, 有錢大曬呀?! 真心愛依個家既話, 就離開果個女人!!!)

在回答問題之前,我想以皇妃diana&皇儲charles的婚姻作比較. 用來証明男人不一定只為美色, (1)論美貌diana靚過卡美拉多多聲,講錢charles一定多過卡美拉,點解仲要揀佢, 咪因為佢要追求精神上的滿足囉! 佢肯哂d錢出來便是明証, right?其次也可以減少他的內咎感啦. 另外,個女人大佢十年都咁鐘意, 好可能佢有戀母情結. 佛洛依德都認為所有男人都有戀母情結, 問題係多少而已. 我認為不要向佢老公施壓, 任何人也希望有人會諒解自已的, right? 唔通你要佢認自已係戀母狂咩! (2)又可能個女人真係質素好高, 各方面都能滿足到佢啦.咁又另作別論. (3)又可能個女人生意上幫佢好多, 當係報答佢都有可能. (4)又可能個女人好識耍手段, 佢老公咁好人一定中計. 不過我作為男人都認為他不算壞,但係就優柔寡斷. 我覺得你朋友一方面應嘗試向宗教尋求解脫, 甚麼叫隨緣. 然後重新去享受生活, 金錢雖然唔可以解決所有問題, 但係就可以減少好多問題. 佢有錢比就點都好過無. 我就一定唔會幫佢做決定, 只能叫佢轉移視線, 記住完美人生並不是必然的, 再見

2007-05-20 05:13:52 補充：
再講, 你朋友老公今年才35歲, 即是21歲便開始拍拖. 唔同年齡有唔同需要, 唔係人人一生出來就知自已想要乜咖, 到結了婚才發現時, 便會形成呢種局面. 看來他會拖得就拖了. 愛情有時真係好累人, 愛一個人係咪要將佢完全擁有, 咁就真係見人見智囉! 正所謂真易假時假易真, 醉眼看人生就最好啦(如果可以的話), 無謂咁執著

http://www.hostingphpbb.com/forum/expert.html
一個愛情小站,
有咩愛情問題,
上黎一齊討論ar~

我爸爸是個有外遇的男人, 我們的問題廿幾年都沒有解決, 如果你問一個好似你朋友老公的男人的心態, 我想我都可以講一下.

男人唔係個個都專一, 雖然對女人可以好有責任心, 但弊在佢地可以唔只對一個女人係咁, 好似我爸爸, 佢對我媽媽, 那個女人, 子女如我, 甚至和那個女人生的孩子都好照顧, 真係好有責任心... 但對於佢身邊的女人來說, 要分一個男人係幾咁痛苦, 佢唔會明. 對佢來講, 最好大家可以和平共處, 唔得, 咪分開大家唔好見面, 眼不見為乾淨.

家母是事業女性, 好似你朋友一樣經濟上可以照顧自己, 甚至照顧埋子女, 但她選擇沒有離開父親, 可能因為她比較古老思想, 不過佢亦有佢的道理: 離婚有何好處? 拖住子女, 要揾另一個好難, 何況已經被情所傷, 亦無心再揾另一個, 不如算了. 就係咁, 一拖廿幾年, 那個女人有了孩子, 本來想爭, 但見家父唔肯離婚, 終於又放棄, 依家根本兩個女人都唔希冀家父會放棄另外一邊的家, 亦隨得佢鐘意來就來, 鐘意走就走...

家家有本難念的經, 我作為子女, 係呢個情況下都好被動, 咁多年, 我都無眼睇, 你只係朋友身份, 更加唔可以做到什麼, 你只可以分析俾你朋友知, 佢決定點做, 就會有什麼後果, 至於點樣做決定, 旁邊人真係幫唔到. 放開d啦, 如果你太緊張,令佢怕了你, 唔見你, 到時你想幫佢都幫唔到!

其實我諗呢個關係都維持不到很久，因為五年後個女人都五十，而且女兒也大，需要他了，所以如果他真的顧家，就不用太擔心。
至於他是甚麼心理，我也很難理解：那女人比你朋友漂亮許多? 或是他和她有生意往來？定係她了解他多於你的朋友？又或是很多年的暗戀對象?
實在太多可能性，不過最重要的是你朋友是否了解、認同和體諒他的理由？如果是"否"的話我想是分手的時候了。如果是"是"的話，為愛他也暫時忍耐吧！
不過最重要的是，在這關頭他必須坦白。
希望幫倒你朋友。

2007-05-15 23:13:09 補充：
對個女人有感情就一定，但如果個女人又靚又生得後生都好煩。可以試吓"震盪療法"，搬開一兩個月(或星期)唔見，又唔比佢見個女，睇吓佢點反應同取捨，或者個女人都有其他男人呢？未必想 full time應酬你朋友老公。但真的要冒失去他的險，所以諗清楚。

2007-05-15 23:19:47 補充：
其實可能還有一個理由........會否是因為和那個女人有很好的性關係?

2007-05-16 00:56:15 補充：
我是男人