康文處初級滑浪風帆問題

之前喺西貢鄧肇堅運動場見過有佢地既shuttle bus

根據報名嗰份資料，創興應該係有接送
"在編定時間及地點，乘坐中心專車往返西貢鄧肇堅運動場及中心"

如果趕唔切佢地班車，就要自己入去啦


致於lunch
你可以考慮自己帶飯, e.g. 杯面、叮叮飯
中心會提供熱水及微波爐

另外，中心都會提供訂飯服務
有四個餐比你揀包一包紙包飲品
入到去先比錢


其實以水上活動黎計

除左要著定套泳衣泳褲喺入面之外
外面一定要著返件t-shirt短褲
如果唔係好易比件救生衣同d equipment括親

仲有，按水上活動中心規定
一定要著返對包踭既膠底鞋先可以落水
涼鞋同拖鞋都唔得
包踭既膠底鞋，可以係白飯魚 / 波鞋 / 潛水boot等
以初學黎計，其實平平地買對白飯魚就ok
到你真係有興趣玩落去先再投資啦

另外，如果你係戴眼鏡的話
最好就梗係戴con啦
如果唔習慣既，喺副眼鏡度加返條眼鏡繩
如果唔係好易跌左副眼鏡ga

同埋海面上既紫外光比陸地勁好多倍
最好搽返d高度數既防曬同埋戴返頂帽
當然頂帽就梗係搵條繩駁好啦

致於手套
其實又唔一定要戴既
對比起風帆
無咁多機會要扯繩
所以就根據個人起好啦


另外，康文署核下既水上活動中心亦提供沖涼設備
落完水，教練亦都會比時間你地沖涼
所以你可以帶埋沖涼用品同毛巾