魚缸水質.....

同一日有兩個同樣問題，真係橋。
呢個情況叫做綠水。其實綠水對養魚係好事（魚唔鍾意受強光，金魚據說o係綠水中色水會更靚），尤其係幼魚（有糧食），只係觀賞時就興緻大減．．．
綠水其實係因為藻類過量繁殖，一來係水裏有營養，二來陽光中好多部份（指波長）係低等o既藻類先用到，所以直接受太陽照射o既水體好易出現綠水。得閒行下公園，ｄ水池冇做乜野打理，就會成池都係綠色。你一日唔移開個缸，綠水就唔會停。
要清理，一者換水，二者用藥，但係後者係治標之法，每次用藥只係倒錢落海。重點係要知道你依家放缸o既位置有冇陽光可以直射，又或者有過多肥料／剩餘食物。有冇種草？會唔會施肥過量？如果新設缸其實唔駛落肥，新草要時間適應先會生長，適應期間肥料只係益左藻類。魚糧投放要魚o係幾分鐘內食得哂，過多會令水太多肥。

2007-05-16 13:27:07 補充：
UV燈可以殺水中漂浮o既藻。但係咁就額外加左一樣電器，你一唔開，綠水又出返o黎。如果以上提過o既原因都唔合你個缸用，咁都冇計，加UV囉。但係都唔係治本。

加支ＵＶ燈就可以

其實你不用理會,因為綠色水有微生物,魚魚亦會喜歡啊!


親身經驗,不會錯!