代簽信用卡~男朋友說告我

正如我上咁講, 當時你男朋友在場, 佢無反對你代佢簽, 即係卡主已明確同意你代佢簽, 亦 即係你簽名時你身份就係你男友的 "授權代表(Authorised Representative)" ;. 所以你並無犯任何刑事法例. 呢樣野佢律師都會同佢講. 所以你見佢係揾律師, 而唔係直接去差館報案. 你真係犯左刑事既, 律師會即時陪佢去差館報案啦!! 使乜等7日出信俾你呀! 好大可能果封信會: (1) 話你未經佢同意下簽佢張卡 (2) 果萬多蚊的物品係佢代你墊支, 而家要你還$.
如果係(1), 我建議你報警, 話佢恐嚇你. 因為佢話過你唔俾萬幾蚊佢, 佢就會報警. 咁巳經係勒索同妨礙司法公正. 就算佢揾正律師出信都唔怕, 因為律師只係按個客指示(take instruction)出信俾你, 佢可能律師都呃埋. 而家香港周圉都係閉路電視, 你簽卡時或之前 / 之後實有一部影到你同佢一齊. 佢當d差佬傻架咩??
如果係(2), 你直情唔使理佢. 佢話你爭佢萬幾蚊, 咁既數目屬小額錢債審裁處範圍(小額錢債審裁處係唔使律師代表的, 佢請律師都無用!), 你亦唔使請律師. 等佢真係告上去, 你無簽借據, 上到庭一定贏.
個人意見, 佢係靠嚇揾着數. 咁簡單的律師信, 使乜出7日! 如果佢為萬幾蚊揾律師告你, 佢真係白痴仔! 小額錢債審裁處唔受律師玩, 佢要告上地院. 地院開file費都千幾, 再加律師入稟費幾千, 都未上庭巳使四五千. 以後每一封律師信千幾, 每一次上庭萬幾... 好多人以為揾到律師就好大件事, 其實好多時䏲過單case, 根本係送錢俾律師使!

2007-05-15 17:52:51 補充：
係啦! 正Cheap精! 影衰哂我地d男人!!

妳千祈唔好向佢低頭,妳放心喎,問題係在卡主知情0既情況下(況且卡主本身亦在場!)而讓妳代佢簽名,根本唔算盜用.

如果佢真係咁賤格出律師信0既話,妳咪等收到封先至再揾律師0羅.妳夠可以揾律師出律師信啦,幾百蚊咋.

點解有0的人可以咁cheap?!!!

唔好比返錢佢,睇定d,等收左封律師信再決定要點做