互相矛盾?

我估你係一個相當老實既人,所以先俾理論派呃到你.要知道呢個世界其實無幫無派,剩係得兩個黨:專齋talk既理論派同專做野既(實際)行動派.要兩黨結合,世界先平衡,因為人唔可以齋講唔做,又唔可以齋做唔講.
好聽既野係人都鍾意聽.,咁既心態令人好信d理論派既人.「做人要誠實」呢句話屬於理論,亦係主耶穌十誡之一,地位不容忽視.道理的確係無錯,但如果全部信晒,咁你就死得,d仇家街頭排到街尾.即係話,信道理係一回事,做出黎既時候就要靈活變通.
例如好似做美食節目,食到d難食野,主持人唔會話難食,只會話味道好特別.咁難以入口既味道的確係好特別呀嘛!佢又冇講大話,但又可以表達自己真正感受喎!呢d就係靈活變通.
做老師既梗係教你好既野,佢都希望你做個好人.但佢做左咁多年人,會唔知實行有困難咩!唯有在需要講大話時講啦!當為勢所逼既時候,佢心裡面可能仍然督信誠實既真理都唔定.但佢唔係主耶穌,俾人嬲起上黎插死左冇得復活架!!!

係老師方面我就唔知，但係係父母角度我就可以講下
我女兒早排就經常講大話，我同大多數母親一樣教佢講大話係唔岩，
到最後我放棄左，因為講大話係想掩飾隱瞞一D佢認為錯既野，如果一個人唔識講大話咁佢一定好有承擔力，其次就係佢腦部發展得唔係咁好。
所以我只可以教我個女，唔可以向我及親人講大話同埋講令我難過既大話。

大體來講，老師喺講得啱嘅，但喺講真話嘅時候要顧別人嘅感受，因為人人都有自尊嘅!故需盡量圓滑變通，否則得罪人多、稱呼人小，無鬼哂Ｄ朋友。