新手換水一問。

其實換水是不需要將d魚移走的，如果是洗魚缸先至要。另外，我每次換水後都會加少少粗鹽開水放在魚缸，可以有消毒殺菌的作用！


好在乎魚的品種，有d一星期三、四次。當然la，換咁多次水費都好貴la。其實每次換1/3水就可以。三、四天換一次。你換水前一、二天要預留一桶水，當你換水時要用這桶水，咁d魚先無咁易死。如果你即用水喉水即刻換(即係生水)，d魚會好難適應，會好易死。你是否新開缸不久或換了水?是的話白濛濛是正常的.因為魚缸內的要靠一種叫"硝化細菌"的益菌來分解水中的有害物質如"硝酸鹽". 新的魚缸是沒有硝化細菌的,所以當你加了水,濾水器開始運作,硝化細菌也開始慢慢地生長建立,而建立過程中會令水變得白濛濛. 當換水太多的時候, 硝化細菌也會流失, 同時, 如果你直接用水喉水來換水, 水中的綠氣會把大量化細菌殺死, 由於要硝化細菌再度建立, 大量換水後不久也很容易出現白濛濛的現象.另外有一個情況, 就是魚缸內,養魚的數目太多, 令硝化細菌未能及時分解有害物質(如魚的糞便,食剩的魚糧),也會使魚缸水混濁. 看你的缸所養的魚數目不太密, 只要注意喂糧份量, 等過多幾日, 應該水會慢慢變清. 如覺得白濛濛情況未有太大改善, 你可以去魚店買硝化細菌劑來加快硝化細菌的建立.
至於喂野佢食，通常早晚各一次，我比較喜歡比豐年蝦佢地食，同樣有營養&可以將d魚d色靚d！如果用魚糧(乾糧紅色細細粒)都可以，不過可能令d水混濁！
另外，新魚買回來，最好不好開袋，成袋魚放在金魚缸30分鐘左右，用途是令d魚適應魚缸裡的水溫！當30分鐘左右過後，你打開個袋放d魚落魚缸，記得，魚袋裡的水是不要，不好將魚袋裡的水放落魚缸！
需要注意: -
**食糧唔一定是比紅蟲，其實紅蟲中是有很多細菌，細菌會令你的魚生病及爛尾。你也可以用乾糧，當然要視乎你的魚，買適合的乾糧及size la。但我比較喜歡比豐年蝦，因為比較有營養！
**如果你個魚缸是沒有魚泵的話。最好放多d水草，但最好放在有光線照到的地方，要光合作用。不過最好是加個氣泵，安全d！
**你可以養d蝦仔、螺仔，因為牠們會吃水中的微生物(包括排泄物等物料)，好似食物鏈！
**如果你要自制生態魚缸，最好養d細魚，因為水中的水草未必會足夠提供氧氣。
**如果你的魚缸白濛濛，這段期間,不要再加魚, 換水只可換少量, 水要用隔過一兩晚的水(待綠氣揮發), 濾水器的濾棉不要經常換, 因為濾棉是有大量硝化細菌
**"黃粉"多用在"爛肉"、"爛尾"病情輕微的魚兒身上或新魚落缸前的消毒預防用

唔需要.如果把魚移走,魚會唔適應.

加水質隱定劑只是生意人賺錢之手法.
新手養鱼應選擇較粗生旣魚及水草
換水換三份一,每隔兩三天左右,無需要將魚移走
以下綱扯可以幫到你

http://www.aquariumfarm.com/phpBB2/index.php

2007-05-17 22:28:40 補充：
可用蒸餾水樽儲存隔夜水,或用氣泵打氣後半小時可卽用

當然唔使攞走d魚,咁樣換來換去,d魚分分鐘適應唔到

換水時當然唔需要移走D魚, 但換水儘可能定期一D(約一星期), 等你D愛魚適應你D換水時間, 而唔好因為D水仲咁清所以唔換水, 因為水清唔係代表D水乾凈, 定期換就最好, 但唔好換咁多, 三分一好啦, 等D魚唔駛咁辛苦去適應大量新水....祝你D愛魚...快高長大....肥肥靚靚

當然唔使啦, 如果次次換水都移走啲魚, 咁咪好大工程囉~~~仲會嚇親啲魚架

應該唔需要, 除非你要清洗全缸. 換水時更要慢慢的加水, 令魚兒適應水質和溫度的變化...

ps: 你指 "加入新水後再加水質隱定劑", 是應該預留一半水在另一個容器才加水質隱定劑, 然後才加入魚缸內. 但最好是把水放一天才加進魚缸