去外國廠買lv gucci

LV不可以, 因為供不應求, 自家專門店都唔夠貨, 去廠買點會有多餘貨比你, 而且LV好嚴謹, 自家廠唔會出貨比街外人, 全部供給全世界所有專門店發售, 為左保持產品價值, 任何情況下都唔會有得平, 永遠唔做折, 只有員工先有優惠

Gucci唔係太清楚, VW, Prada可以, 有好多時佢地d季款賣唔哂, 會係廠房1~3折賤價放貨, 有好多水貨店都係入呢d貨賣, 所以你見到水貨店可以賣咁平既原因就係咁解, 全部都係真野

2007-05-15 04:51:23 補充：
西區觀龍比光你個答案好搞笑你知唔知LV有幾多個工廠製造產品? 幾多個國家有LV工廠?全世界最少有三十幾間分佈於法國, 西班牙, 意大利, 瑞士, 美國, 未來將會計畫係印度設廠照你既講法佢而家既工廠"擴建"咪大到跨越幾個歐洲國家? 跨過大西洋去到美國東岸? 遲d跨過中東去到亞洲印度咁勵害?

2007-05-15 05:02:00 補充：
除左一d賣唔哂既季款, 仲有一d係轉左design既舊版款例如新版有手機格, 舊版冇手機格既就放出去比人要另外仲有d係次貨, 小小爆線個d會放係廠賤價等人要

2007-05-16 22:20:47 補充：
Re 西區觀龍比光: LVMH係一間上市公司, LV計劃邊度設廠都要對外公佈暫時未見有計劃中國設廠, 詳細可以去 www.lvmh.com 睇下

2007-05-16 23:48:04 補充：
Re sitbun99:1) 去LV廠都買唔到平價次貨的, LV的次貨、要報銷的貨通常會留比LV staff 7折認購, 或者拆散做spare part留為幫客維修之用2) 當然唔會啦, LV好嚴謹, 根本冇可能攞到原材料, 翻版商講咁多大話, 咩野原材料咩野仿真度極高, 最主要都係想氹你買啫, 其實信佢一成都死

2007-05-16 23:48:34 補充：
我曾經同partner開過水貨店, 親自去過歐洲入貨, 帶隊去LV掃貨, 其實你所講去專門店買只係去買LV一隻品牌, 因為LV真的『好嚴謹』, 唔會批貨比人只有去專門店買, 每個客人買完LV都有紀錄你買過乜野, 重複都唔比你買, 所以要不停找人去, 其他品牌好多都有批發有outlet攞貨(有d要好大量攞先會批, 例如chanel一個item最少要攞100件), 就算去專門店買都係任買無限制根本唔需要找人去買諗深一層, 我係以商家身份去廠買貨, 一般人去買零售唔知得唔得喎....

2007-05-17 21:07:41 補充：
Re sitbun99:買LV去專門店買啦, 去水貨店買LV可能仲貴過專門店, 因為係香港做水貨LV根本冇肉食一個speedy 30 法國買 415€ x 0.88(12%退稅) x 10.57(rate) = HK$3860.16 / 香港價HK$4800 = 平20%左右再加返15~20%機票食住車費人工鋪租燈油火蠟成本, 咁即係有幾多可以賺?所以做LV水貨既店鋪真係好少, 個間『百蕙』水貨鋪賣speedy 30標價$5680架, 你冇去過專門店格價一定會蝕底

2007-05-17 21:28:10 補充：
Re: yanyan_lolita正如sitbun99所講, 水貨係人地去歐洲專門店買貨返黎賣, 從中賺取差價, 水貨都係專門店貨, 係真貨不過要小心有好多翻版商都自稱自己d貨係咩野日本水貨, 韓版水貨, 邊個講真話邊個講假話要小心判斷呀

我未聽過有人話可以去廠直接買貨喎, 我識人曾經帶過水貸團去歐洲掃貸, 但都只係去D專門店買, 仲要扮晒嘢, 唔可以俾人認出成日來掃貸, 如果唔係人地唔會肯賣俾佢.

想問下Meko碩士:
唔怪得香港D水貨鋪唔見有LV賣啦.
1)依你所講,係咪即係我地都可以去外國LV廠到買D平價次貨?
2)香港拍賣網上有人拍賣D全新嘅冒牌LV and Gucci等, 但佢地話佢地有貨源可以攞到呢D名牌嘅原材料e.g.皮and扣, 所以可以冒得好似, 究竟係咪真有其事? 純粹想知道下啫.

thx

2007-05-16 12:38:04 補充：
水貨同行貨都係真o野, 只不過水貨名牌係D人多數以"遊客"身份去買, 可以退稅, 所以貨物嘅成本會低過行貨.

2007-05-17 18:03:32 補充：
To Meko碩士:Thanks a lot. But where can we find LV水貨店 in HK?

2007-05-18 09:54:55 補充：
To Meko碩士:I see. Thx :

因為有得退稅既關係，所以就算係專門店都會平ｄ！
至於廠房，你跟團定自由行呀？如果跟團未必有得咁ｆｒｅｅ周圍走喎！
因為LV既製造工廠係法國南部，好靠近西班牙。
以前工廠無而家咁大，因為擴建既關係，工廠跨過兩個國家既邊界，
所以從法國領土中出廠既產品，上面打上去既係 "Made in France"；
如果從西班牙既廠區出廠，LV公司就打上 "Made in Spain"既字樣。
但無論打上邊度造既，皮革同技術都係一樣、生產出來既品質都係是相同既！

2007-05-15 09:22:00 補充：
meko朋友對LV既認識真係博大精深，既然未來將會計畫係印度設廠，咁究竟會唔會計畫埋係中國開設廠房？