大家會唔會有「拍散拖過渡期」???

我都有呢種感覺。

好似自己好空虛，亂咁搵ｄ野頂住先咁～一開始既時候自己都呃左自己，以為係認真，不過好快就發覺係自己亂黎，唔係好認真去諗已經決定左，之後先黎後悔．．．

我自己而家就係呢個處境，唔知同唔同個女仔分手好．．．

其實當你試過拍一次散拖, 你就唔會想再拍長拖架喇..
因為你o既心態成日都覺得"佢"只係一個過渡...

我一開始就係因為錯愛..所以一直到而家都係拍散拖...
我唔會主動搵男朋友, 通常都係佢地主動搵我..
關係係曖昧..但享受...

愛情只得3個月的保質期, 3個月後的是感情, 再過的是習慣

會有既,
不過每次開始一段戀情都係由好感開始,
開頭大家都係抱一個嘗試既心態,
相處落先知岩唔岩架嘛,
你都唔使咁介懷而家對佢究竟咩心態,
咪試下先囉,
或者可以開花結果都唔定呢~

每個人接受情度唔同，我個人接受唔到拍散拖。
首先要喜歡對方先才可以拍拖，如果唔係自己會仲痛苦。

絕對有啦, 仲同佢有d好曖昧既行為, 其實我同佢都本身都有男/女朋友, 見唔到佢無乜野, 但一見到就大家好似好有默契地走埋一齊有抱同有鍚, 但可能知自己係咩位置, 佢要既人唔係我,就算我真係鐘意佢, 我都只不過企o係一個最佳位置, 唔會離遠又唔會走近佢.

咁我又無拍散扡喎, 寧缺莫濫, 係有人追, 但唔係自己杯茶點都受唔落囉.
唔係鐘意就唔好左人時間啦, 除非個女仔都係同一種心態啦

不如話係試用期