我想問鼠鼠D問題,,

指甲係咪過長其實你可以睇到,睇下d指甲有冇長到彎入腳板,甚至插入腳板,如果係咁就係指甲過長.但因為鼠鼠既指甲入面係有血管,加上鼠鼠又好難完全唔郁,長到插入腳自己又唔會整到,所以就算係指甲問題,我都建議你帶佢睇醫生.
覺得鼠鼠指甲長長地既時候,其實可以買d木既玩具,咁佢就可能會爪(隻隻鼠唔同,所以都只係可能)

都睇過話可以用幼砂紙放入一個地方,俾鼠鼠每日行幾分鐘,都可以整短d指甲,不過我就未試過,唔知係咪真係掂.其實鼠鼠指甲唔係真係過長都唔洗點去打理.


鼠鼠係一定一定要磨牙,因為佢地既牙係不斷生長,唔磨牙既話,d牙會插穿鼠鼠,令鼠鼠死亡.
可以用磨牙石俾鼠鼠磨牙,唔好買d有色既物品俾鼠鼠咬,因為好易甩色既,最緊要夠衛生,夠安全,唔會甩色,唔會整傷鼠鼠,唔會好尖,又唔會係膠,所以木制既磨牙用品係最好既.
但因為鼠鼠未必真係覺得磨牙石係用唻磨牙,所以未必會用,如果你隻鼠唔咬磨牙石,就可以買一d木制玩具俾佢咬,又或可以試下鹽磚.

唔太硬又唔係好軟就係平日既狀態,如果有異常都要留意,太軟甚至流質就係肚鴻,但太硬又少左便便,就係便泌,所以要成日都留意住鼠鼠既便便有冇同平日唔同.
唔好亂俾野鼠鼠食,唔好令鼠鼠感到太大壓力,就係預防肚瀉既方法

如果你有比磨牙石佢感就ok,
唔需要特別同佢剪,
除非你覺得佢d指甲真係生得好長,
大約過左2.5mm la~
一粒粒唔太硬又太軟ge便便係正常ge,放心la~
但如果d便便太林ge話最好帶佢睇下醫生,
因為佢可能肚瀉~
希望幫到你la~