屋企非常潮濕，可以用點樣的油潻？

你家居近山近海就會容易有的情況, 可開抽濕機或冷氣機等, 這樣可以幫助抽濕令家居乾爽, 亦可打開門窗通風, 保持家居乾爽, 就無咁容易產生啦! 你亦可買濕度計測試濕度.
工序如下 :
1. 先將灰底剷除 (可以用化白水可清水掃在牆上, 會容易剷好多.)
2. 油光油
3. 批灰

4. 打磨平滑及淸理乾淨
5. 油啞白底漆一次

6. 油上面油便可
防潮底漆 :司拿分為水性及油性兩類, 以油司拿較佳.
水司拿是用水稀釋.
油司拿是用松節水稀釋.
光油是用松節水稀釋,一般裝修工程都是用光油的, 因用途比司拿多.

灰料比例如下 :
菜膠35%, 福粉55%, 石膏粉5%, 光油或白膠漿5%.

程序 :
1. 先將菜膠加入光油或白膠漿攪合
2. 加入8成福粉攪合
3. 再加入2成福粉及石膏粉攪好後才加進一起攪合

注意 :
石膏粉是增加硬度.
光油或白膠漿是增加附著力.
新建造的牆是用光油, 舊牆是用白膠漿, 因附著力較好.
你亦可以到五金鋪買石膏灰或平底漿或牆之寶等, 已經溝好晒, 即開即用, 非常方便, 不過份量就有多有少, 視乎需要而定.
啞白底漆 :
啞白底漆比例:70%啞白底漆加入30%白色膠玉磁漆, 1份啞白底漆加入30%松節水攪和便可, 此比例的啞白底漆是目前最好的, 亦有防潮作用, 非常合你的須要.
漆油方面 :
至於用甚麼品牌, ICI 內有好多個牌子, 但水貨多, 巴馬士的沒有水貨, 但比較貴, 日本漆原廠日本制做較好, 市面多數是本地或大陸制做. 而菊花牌就是本地制做.現時最好是買多功能漆油, 多功能包括有防霉, 抗菌, 防水, 特強附著力等.

如利登 ----- 價錢平, 質素好, 但少顏色選擇.
多樂士 ----- 價錢中, 質素好, 顏色多選擇.
護牆漆 ----- 價錢中上, 質素好, 顏色多選擇, 施工較繁, 合理做價應該高些.
麗明珠 ----- 價錢高, 質素好, 顏色多選擇, 施工極繁, 冇人鍾意做.
巴馬士的 ----- 價錢高, 質素好, 顏色多選擇及色彩較鮮艷, 最大缺點是貴.
日本漆 ----- 價錢高, 質素好, 防水較好, 但太結會髹時掃痕粗.
菊花牌 ----- 價錢中下, 質素好, 顏色多選擇, 施工容易, 是平價漆油中最好.
以上資料希望可以幫到你, 如再有問題或不明白請補充!

小西灣係勁濕既..
翻新油油, 最緊要舊油要起得乾淨..
做翻好批檔..
ICI我用瓦面,因為唔會起水珠..
我既經驗係, 唔落防潮油好過落..

如果你間屋咁既情況,
應該有機會同防水工程做唔足而引發的...

你可以去五金鋪買返d防水的油漆...油2層...
但你油防水油漆時,前面要油多層xxxx
(唔記得左咩名...如記得下次話你知ar)

其實你都可以搵d裝修公司幫間屋汁汁佢架
唔洗自己落手落腳...