我身邊有無數追求者，但我對佢地都無動於衷.....因為我心入面只有一個人.......
我對愛情好執著，唔愛既我都唔想嘥大家時間拍散拖....而我又好難愛上人
廿幾歲女，我愛既只有一個，不過，果個男人係有女朋友既....
我知道除左佢，我無乜可能再會愛上其他人
因為，我好清楚，自己條件好，要求高，難愛上人
而佢有齊晒所有我想要既野，佢係我既 Mr Right！
我為佢做左好多野，付出左好多......
當然，呢d 野佢未必知....
唉.....但佢一直未有任何表示，我都諗過放棄.............不過.....我發覺就算客觀符合，我都未必會鐘意果個人，愛情係好主觀、好感覺上既野.......
更新1:
起初，佢成日凝望我，都望得好誇張果種，可能因為我合佢眼緣 之後，其實佢份人真係唔錯，我有事請佢幫手，佢幫左我好大忙.....好自然，我想請佢食返餐飯答謝佢，但佢一味話：唔洗啦，唔洗啦....你下次有咩再搵我幫手啦~ 我明白，佢咁講唔代表係拒絕我，因為佢係幫人唔望回報既人 我亦知道一個男人如果有心同我發展，唔會錯過同我單獨約會既機會 但有女仔朋友提醒我，男人有時唔識得表達自己，又或者佢唔想幫我做野好似有目的咁，又或者佢唔想我為左答謝佢而請佢食飯...... 不過，我直今仍未同佢單獨食過飯、約會過.....根本我地都無單獨相處、溝通既機會，又點俾雙方去了解對方呢？
更新2:
好辛苦......一心以為可以借呢次機會約下佢，點知.....................唉！ 宜家我日日都好痛苦，因為我愛既人，我得唔到，而我唔愛既果d 人，又成日係到煩憂住我...... 我宜家好想好想同我愛既人一齊，因為我知道有左佢，我才有幸福，我既人生先會得到圓滿...... 究竟點先可以同到佢一齊？ 已失去請佢食飯既最好機會，仲可以點樣製造其他機會俾我地單獨相處？ 可能佢有女友，可能佢未想同我發展住..... 今次我想主動爭取我既幸福.....令事情發生！ 我可以點做？
更新3:
點先可以令佢俾機會我？ 點先可以令佢鐘意我？
更新4:
諗返當初，我試過遇過一d唔鐘意既男人 係因為佢成日打黎，同我傾得計多就開始有感情，之後攪到越黎越鐘意佢..... 女仔就係鐘意俾人關心同埋被重視既感覺 一旦失去呢份關心注視，就會好傷心 一d 玩感情玩手段既男人就好識得利用女仔呢個弱點 其實，對男人，用返同一招洗唔洗得架？ 如果唔得，用咩方法會work呢？ 當然我唔想玩感情、玩手段，我只想得到心上人o者
