好想養貓~

我也有養貓，而且我是一個人住及輪班工作，我都冇乜時間陪貓貓，所以我會養2隻，因為我肯定當我不在家時，佢地會一齊互相陪伴。

最重要的，就是貓貓也需要quality of life，貓貓的quality of life是什麼!?他們的quality of life除了是有o野食及有貓玩具外，最重要的，就是有一個與他們一起成長的partner，他們不需要同一胎，但至少也要年齡相若，這樣他們會相處得更開心。

當然，主人多麼的忙碌也要盡責任照顧他們。而我，雖然不是模範主人，不過我會盡力好好照顧他們 ; 我每日放工入屋，第一件事不是放下手袋，而是將他們先摟入懷內、撫摸他們及聊天數分鐘，抱著他，給他們有安全感，同埋俾佢知道主人愛鍚他們。另外，我多忙碌也好，也會陪他們玩耍，給他貓零食或間中給他貓罐頭，從而建立關係。

貓貓的健康方面，多留意他們的身體狀況、動靜及便便，會令你掌握貓貓的情況，同埋貓貓一有唔舒服，主人要第一時間帶他們睇醫生(所以我會在家中放數千元，用作貓貓臨時睇醫生及搭的士的費用)。至於獸醫方面，你可以問下養貓的朋友，邊度有d細心、有愛心及有醫德而又收費合理的醫生。

同埋最重要的，就是為貓貓提供一個安全的環境，如裝貓網(窗花)，收起家中細小雜物等。以及提供優質的膳食給他 ; 早晚換一兜新鮮水、給他吃質素良好的貓糧(至少不要去超市買cheap cheap的貓糧，會食壞貓貓的)。

如你對養貓有問題，多d上來蒲，我都係睇下呢度各人的經驗之談而學會很多，又或者買d養貓既書睇，會幫到你的。

試下做義工先

由暫托做起

短期的約1-2個月的暫托期

無養貓經驗的先由3個月開始養

因已懂得自己食乾糧、飲水及去廁所

唔好養貓BB

因貓BB要 2 ~ 3 個鐘食一餐

會影響你的工作時間

多些了解、多些認識、多做好事前準備

Pls go to following website

南丫島動物保護組織
http://hk.myblog.yahoo.com/lammaanimals-org

貓可以唔洗成日有人陪,,佢地冇人o係家都唔會悶,,佢地係好獨立既動物,,睇書講的

同埋只是你真係有心養佢地就得嫁喇,,你放工之後要同佢地玩

我平時都係早出晚歸o架.
同你嘅時間一樣.一返到屋企,
第一時間就是清理貓砂盆,
清洗食/水兜.幫牠們抺眼.
然後就拖地. 乾淨哂之後
先比糧佢地食. 攪拈都9點喇.
(成個鐘頭)
跟住先做自己野,
睇下電視. 休息一陣.
到10點同佢地玩, 梳下毛,
抱下佢, 摸下佢又一日喇,
之後11點就沖涼.
時間就係咁快過.
唔好一時興起養呀,
決定養就要養到牠終老.
以免貓貓受傷害.