點樣煲白粥係最好味

我煲粥係連油鹽都唔使醃,直接將米洗淨放水去煲,米同水既比例係1:15,水係要多好多...水 滾就收文火,然後煲30mins...記住!!!!攪粥既方向係單一方向,即係你本來係順時針攪既,你一路都要順時針攪,如果又順時針攪下又反時針攪,煲完d粥好易起水...過左30mins,你要睇下煲粥d飯爆花未,未就繼續以文火去煲,如果已經爆花,而水又好多,咁就可以轉中火滾佢,轉中火既目的係要d飯爆花爆得快d,唔使驚煲乾水,因為我米同水既比例係1:15,要咁多水就係因為呢個原因啦...大概一個鐘左右,煲粥已經好綿,稀杰度就由閣下調教,如果覺得粥太杰,就加熱水,記住!!!係加熱水,唔係凍水!!!加多d熱水用中火滾,去調教返稀杰度!!!煲好就放少少油同鹽,咁就煲好啦!!
我煲粥煲無數次,呢個方法係我身經百戰講出黎分享,希望幫到你!!!(一定可以用1個鐘去煲由生米煲成既綿粥)

洗完米之後賭晒d水，跟住加dd油同鹽，等10分中左右先煲咁樣可以令米容易開花。
之後加白果或者加小小豆腐,這樣煮出來的白粥就會很滑很綿。

去街市買d新鮮腐竹返來,在粥煲到九成放埋落去
加兩匙生油,再煲到以上兩樣東西都見唔到就得啦