轉工的決擇~~

首先, 你現在份工嘅所謂缺點都會喺今個月底消失啦, 所以根本唔需要再考慮呢樣嘢.
跟住落來, 就只需要比較現在份工同新工, 睇下邊份好處多D喇.
1)公司知名度同埋聲譽: A公司勝
2)工作量: A公司工作量OK, 但新工係未知之數, 所以A公司勝
3)返放工時間: A公司較長, 而且要出差, 但新工係未知之數, 唔知洗唔洗OT, OT又唔知有無錢, 所以打和
4)年假: A公司同新工都有7天, 但一般大公司都會按年資逐年遞增, 不過唔知你o個間有無, 所以打和
5)員工福利: 好明顯係A公司好D, 但唔知你住近上水or TST, 所以唔知你返邊頭可以慳D交通費, 純睇員工福利就A公司勝
6)人工雙糧花紅: A公司同新工嘅人工一樣, 但A公司有雙糧, 而且試用期後有人工加, 但新工只得花紅, 花紅係可以唔出俾你gar, 試用期後又無人工加, 梗係A公司勝啦

總觀以上各點, 都係留喺A公司做好D, 新工太多未知數e.g.人事, 而已知嘅又唔見得好過人, A公司雖然要開OT, 但OT時間都合理, 而家要搵份唔洗開OT嘅工都好難吓, 可能你份新工要勁開OT添, 仲有, 出差並非壞事, 你出過差, 俾人感覺你independent 同 mature D, 你張resume亦會好睇D.

2007-05-14 18:56:35 補充：
原來係你呀頭走, 咁你就要衡量下你頂唔頂得順個assistant officer喇. 老實講, 邊到都有衰人, 但覺得一個人好定衰, 其實都好主觀, 如果你公司人人都覺得佢衰, 咁佢就真係衰囉, 不過咁即係話人人都受緊佢氣, 唔只你一個, 其他人都頂得順, why你唔得? 咪學下人點頂囉, 我諗人地都係當佢唱歌, 如果佢過份嘅, 你大可以向你第日嘅呀頭投訴, 佢係assistant officer啫, 好低級之嘛, 唔洗怕佢.

2007-05-14 18:56:53 補充：
不過奉勸一句, 多個朋友好過多個敵人, 呢個世界係圓嘅, 就算你今日離開咗, 他日都可能會撞番, 嘗試下同佢和諧相處啦, 扮下friend, 出來做嘢係要帶下假面具gar喇.

你好, 我自己有少少轉工心得. hope 可以同你share 一下.
有時d工你唔做過先,好難知份工適唔適合自己. 所以轉工時都好難決定.
我個人認為主要看你鍾唔鍾自己現在份工. 鍾唔鍾而家呢行,用唔用倒你既長處. 公司重唔重視你. 如果都満意就可以諗下唔轉. 特別你仲剛剛3月先開始.

新工一定有佢既吸引力, 自己總會有時覺得街頭d靚女比自己個gf有吸引力. 但你唔知個靚女既為人. so你唔知新工裏面既人and事,轉咗唔一定好.. 但我suggest 你在新工interview 時好好地問清楚佢地請你係要你做什麼,日常工作要做什麼. 了解愈多愈好.(問到佢覺得你煩都無所謂) then 自己決定轉唔轉.

wish you good luck

新工唔見得好好條件,而你而家呢份又唔見得好差,仲幾好tim,
加上係大公司,我見意你唔好走.留係a公司
你話有個Asst Officer,佢都就走la,洗鬼理佢咩.

當然唔好轉 la, A 公司的條件好太多了.

不過請不要忙了選擇工作除了以上的條件外還有其他需要考量:

地點問題, 與你居住地點的距離直接影響車費的開支

進昇問題, 公司是否有明確的進昇基制?

自我提昇, 你在公司會否能有自我增長?有學到有用的東西嗎?

雙糧與花紅, 雙糧的定義比花紅來得明確.

希望有助你取捨

我會留係大公司一年囉! 始於再搵工時，係有牌頭既公司做過，其他公司會考慮你多d，而且有無野學，係睇自己問題。

你個Asst Officer，咩公司都有依d人架啦! 唔擔保新公司無喎! 過左試用期，你就話知佢擺咩款呀! 你個工作report又未必佢寫既，你對佢咩就公事公辦囉! 劃清界線...最緊要你dept張來亞頭係點先重要呀!

又唔知你的程度 ... 又唔知你公司便乜 ... 自己的事自己決定啦。靠人不如靠自己 ...
好壞都是自己的決定及承受的。命運在自己手裡的 ...