決擇：九龍灣返工，住側魚涌100'套房定馬鞍山300'單位（價錢相約，係交通vs大小的問題）

2007-05-14 5:17 pm

真係唔知點揀好呀，100'實在係細，仲要隔塊板隔離有人住，仲要講野聽到晒0個隻木板，不過我就一個人住，冇女朋友。。。
另外馬鞍山0個邊，真係空氣好又大好多，真係舒服好多，不個返工真係遠好多呀。。。我諗遠過側魚涌出發三倍都有！

真係唔知點揀，正所謂魚與熊長不可兼得，請大家俾D意見我丫！

更新1:

如返中環，都係二揀一，又會點揀呢。。。？

回答 (4)

2007-05-14 9:39 pm

✔ 最佳答案

當然係要地方大d果間啦,放左工返去,起碼都係安樂窩,而且你住鯽魚涌去九龍灣返工,MTR都唔平.你而家未有女朋友遮,遲D一定有啦,你住板間房,講野都比人聽見,第日帶個女朋友返屋企幾唔方便.一於馬安山啦,你自己都話空氣好,同埋大兩倍禁多,平時放假都想多D留係屋企頭下啦.唔使諗啦,一於馬安山.

👍 0 👎 0

2007-05-14 5:55 pm

唔駛諗梗係揀馬鞍山啦, 如果你住100尺房, 你會唔係咁想返屋企, 安居樂業, 都係想放工有個好d 的安樂窩啫, 無理由住到咁唔舒服, 而且現在馬鞍山交通都好方便, 有很多巴士去灣仔銅鑼灣, 只是貴一點. 但放工返到屋企舒服好多喎.

👍 0 👎 0

2007-05-14 5:23 pm

其實馬鞍山至九龍灣交通大約三十五分鐘,朝毋返工時間89D三兩分鐘一班,無理由為咗近而住一百呎套房囉,仲要板間房,居住環境咁差......

👍 0 👎 0

2007-05-14 5:20 pm

馬鞍山返九龍灣真係唔係好遠喎~ 坐89D或89C 真係算好方便喔...
鰂魚涌都係坐mtr方便~ 不過咁細又唔岩你
梗係選馬鞍山啦~~

👍 0 👎 0