廿幾歲人才去學琴會唔會俾人笑?

我認為幾多歲學都無所謂
有恆心又肯努力的幾多歲學都得啦
有天份當然好　無天份努力d 都唔見得會學唔到丫

小朋友有小朋友的好處, 因為小朋友唔洗返工可以抽到多d課餘時間
而且小朋友係一張白紙. 學野快係正常

其實好多人都係大個左先學
好多時可能係因為家境問題支持唔到佢地細個的時候學
而係到左廿幾歲有工作能力又負擔得起先去學

大人學都有大的好處丫
大人吸收能力同領悟力都高過小朋友
隻手的大細又比較適合
更何況好多小朋友都係比家長迫去學
未必自己真係鐘意, 所以小朋友都唔一定學得好
相反你到gum大個而又想學證明你真係好有興趣又肯花時間同心機
我個人就認為學咩樂器就算幾有天份都要花時間同心機去練習
所以根本就無大人同小朋友之分

如果你真係好想學我相信肯努力就得
更可況學琴係一對一
個老師收得錢教你就更加唔會笑你啦係咪?

好似d公公婆婆都年紀gum大先學電腦同去讀書啦
都唔會有人笑佢地啦
更可況你係廿幾歲.肯學肯練就一定得
你有個種心又肯努力洗咩怕人地的眼光
更何況唔會有人笑你,因為好多人都係gum
加油

我都有好多學生係成人~唔駛怕~
沒錯~細個學係好d~因為學野快丫嘛~
但唔代表成人唔可以學架wo~~
只要俾心機就可以架喇!!

有興趣學既話send e mail俾我~
[email protected]

of course not

古語有云: 學無前後,達者為先
所以你唔需要介懷人地既睇法!!
只要有興趣就去學~因為學到既野,係你自己既~唔係為左其他人去做!!冇必要理人點睇,何況你又唔係殺人放火~更加唔洗理其他人點睇,何況比人笑下又唔會死既!!馬榮成以前夠比人笑佢做漫畫冇前途啦~~宜家佢咪做左老闆囉~~李家成以前夠比人笑佢穿膠花啦~~宜家人地係超級富豪呀~所以做人唔可以(船頭驚鬼 船尾驚賊)!!
人地細過去學,係因為父母既決定,個小朋友都未必有興趣架~d父母一心只想兒女成材,多才多藝~從來唔會企響小朋友立場去睇!!所以唔可以用佢地黎同自己比較!!何況人比人比死人,千奇唔好同人比較!!
所以你係一個成年人,你自己係有決定權~唔可以因為人地既睇法而動搖信心!我只相信有志者事竟成!!唔好等到自己冇能力既時候先至後悔,你要記住人只得一生,過左既時間係冇得反轉頭,決定左,有能力就去做,就唔好比自己借口,唔好比自己將來後悔!!

我三十有多仍想學習結他、電子琴及歌唱技巧。

呢個世界有好多人....好難話有冇人會去笑你.....
但係我個人認為一個成熟既人唔會為左呢d事去笑人.....
活到老..學到老...唔駛太介意人地點睇...
學習係一件有意義既事...不防試試...

係唔會，你唔使理人點講，想學就去學。有句說話係【活到老、學到老】！

邊個話廿幾歲人唔可以去學~
我miss個 fd同你差不多年紀時去學
3年未夠考到8級