續痛苦的一年

✔ 最佳答案

其實你唔洗另外開一個問題架,你可以響原有問題入面補充,咁我地先可以更集中解答你既問題~知嗎?
黑棉是否碳棉?
答:我冇記錯好似係!因為我未用過!!不過用佢不如用白棉加粉狀活性碳仲好啦~因為碳棉比較密,會做成水流不暢順,仲有佢係有過濾效果,但吸色吸味就唔及粉狀活性碳好用!!
甘約一星期先洗第一層棉,那麼是否硝化細菌會分解大量的魚屎呢,因一天的魚屎已經好似塗滿了花生醬的三文治.那麼現在我要一星期內不要做任何動作了吧?
答: 其實先控制食量啦~因為食得多痌得多!!所以之前講左一日兩餐,以5-10分鐘內食哂為標準,而一般都唔會一條魚食多過6粒魚糧!!所以我估你d魚食得太多,所以過濾棉先攪到好似塗滿花生醬者~,等養好水,即一星期左右,先係咁二用冇氯氣既水洗過濾棉!之後控制食量,如果都仲係咁多屎,按情況再洗下d棉啦!!但(硝化細菌)工作都有極限~所以未必可以好快咁處理大量屎!!
其實加了生物環和活性碳就不能暢順,所以相信已無法可減濾材.只好試試加出水位,但是aa的質料是否可行?

答:AA既野都幾好用架!鑽幾個孔唔難!!而生物環都有細size的,肯去搵一定有!!我有個細既套缸同你個種一樣,都係上部過濾,可以放齊兩層過濾棉,中間放細既生物環~而粉狀活性碳,因為比較大包,所以我cut開包野,之後倒左部份粉狀活性碳響個玻璃瓶之中,留反下次用,而cut開左個包粉狀活性碳,個開口就用幾條膠索帶紮好佢~以防漏左粉狀活性碳到水中!!,而我個頂過濾箱仔只得14cm * 7cm * 7cm,咁既細空間都可以放哂以上既野~所以記住野係死,人係生,有時d野係可以改下佢架^^

那些白髦就是點清除,過些時間又生出來依附在玻璃上(是很微小的),一直如是,魚又不見不妥,只是生多了時看上去感覺缸一層濛自不清楚,剷完好幾天又有~
答: 咁可能係因為多屎,所以滋生左d不知名細菌響缸面,除左人手清理,可以試下養(芘芭魚)佢係會食缸面青苔~而個d白色野,我估佢地都會食~不過長遠計都係控制食物量會保障d,因為水中養份多,好自然會滋生細菌同好多不知明既微生物響缸中,而個d白色野,我估都係其中之一!!

2007-05-14 02:46:48 補充：
圖片是如何上載的?答: yahoo知識係有大學級以上先可以響度post相,你....有排先到大學級...所以冇得post相!!不過你可以將d相放上人地d論壇,之後響度post個網址出黎,咁我地自己去睇就得架啦!!

2007-05-14 20:07:25 補充：
原來你有餵豐年蝦!!!!個層白色野就係有豐年蝦所做成既問題,冇事架,放心啦!!雖然我未用過豐年蝦,但有網友用過,佢地成虫交配之後,會攪到個缸入面好多野都會所有一層白膜,係正常野~如果唔鍾意,就出動老鼠魚,芘芭魚啦~~佢地只食食哂d白色野~不過你要記住佢地係唔食屎架!!!粉狀活性碳一包分幾多次都得,只要放到入過濾箱就可以了~不過包野個開口一定要紮好~唔可以漏碳!!比魚食左唔好架!!增寶紅小粒??咩黎架?魚糧黎架??定係增色素?

2007-05-14 23:14:03 補充：
唔洗灰,水黃都係用活性碳,你唔好太心急啦~~養魚係唔急得架~要忍下!!頭一個星期唔好咁快換水,你等到第八日先啦!!個舊棉如果真係太多屎,咁就用(((冇氯氣既水)))洗下先,我指最面個塊棉!!你個隻魚糧係會攪到D水比較易黃,不過你先控制食量先啦!!食得多痌得多呀!!

2007-05-15 00:22:08 補充：
嗯~~魚糧差唔多份量啦~鼠魚都ok好用~2條左右就夠~不過有條(芘芭魚)個效果會明顯d,因為佢會啜玻璃~活性碳牌子要等我返家先睇到,我用緊個隻都ok好用~水清沙靚^^等我回覆丫!

2007-05-15 01:52:39 補充：
仲有呢~唔好大過唔開心,只會影響自己,平常心去面對~新手多數未有心理準備,同時未搜集足夠資料先會出現好多問題,最差情況都不過你死哂所有魚!!只要開缸時養好水,之後養魚會事半供部~~加油~唔好咁嬲啦~~d魚冇對你唔住架~

2007-05-15 11:40:55 補充：
活性碳方面出左問題,因為我個隻係日本野.......所以唔知點打出黎,哈哈!!不過佢正面右下角有佢公司名((KOUWA CO.,LTD))我只係見到呢個宇係我識既,其他都係日本字多囉,,,,你隻魚糧都冇問題啦~不過豐年蝦都可以用~原來你有條惡魚.....要小心D鼠魚呀,必要時分開養.....個條係咩魚呀??咁大個口!!

2007-05-15 21:37:19 補充：
下面位朋友話活性碳會殺菌???唔係下話!!我未聽過喎~~我舉個實例出黎啦~而以(硝化細菌)為例,佢地會令過濾棉同生物環變成啡色,越啡越多(硝化細菌),而我個包活性碳係放最面,可以比我見到佢既情況,而佢表面正正就依附左好多(硝化細菌),係全啡色的!但個d唔係屎,因為我個頂過濾係第二層過濾,係唔會有屎上唔到去!!咁即係話,(硝化細菌)同活性碳係可以一齊共存!!

2007-05-15 21:44:34 補充：
8cm大的鸚鵡....唔怪得次啜到鼠魚啦...你個條魚咁細....唔洗成日攪個過濾箱住啦!等佢養好硝化細菌先啦!!唔好再攪d棉,由佢多屎冇所謂,如果d水真係太黃,而活性碳未有太好表演,咁等到第七日先換1/3缸水,同時洗最面個塊棉~~之後過多4日就再換1/3缸水!!唔好心急,水唔會一日就清!!所有水質都唔可以一下指變換太大,因為d魚冇法習慣,突變水質同水溫!!仲有加水到缸要慢慢加入去,唔可以急,原因係習慣水質水溫!!!

2007-05-16 00:19:07 補充：
雙方已能共存了,鼠鼠還四處吸白髦. 其實現在個情況菌是否已形成?答: 鼠魚~係食雜物好幫手^^不過都係唔食屎~個缸既往不究硝化細菌已初步定位成形~差唔多可以換水同洗棉^^~不過你養d魚遲下會大~如:鸚鵡魚~所以發現個缸多魚,d魚又大左,缸又唔夠大,可能要轉缸~不過都係日後既事~同時過濾箱亦可以加大佢~^^一般都係去膠塊舖,做一個大d高d既過濾箱,到時可以解決唔陪位放濾材既問題~,到時d水都會過濾得好d~

2007-05-17 00:10:12 補充：
硝化細菌用響過濾箱比較好d,不過佢地會不停咁比水泵循環隨過濾箱中~明天換水冇問題,1/3缸左右係極限,要比魚慢慢習慣新水,唔好放水太快~因為水澄同水質改變太快,魚隻習慣唔到好易病!!個人經驗活性碳越細吸色吸味會好好多,因為接觸表面面積會大好多~所以我用粉狀活性碳就係咁解啦^^三合一活性碳加吸安石等都有唔錯既功效~可以用下~如果唔想加大個過濾箱,可以吊響出水位下面,不過所有新野入缸前都要洗下佢~因為會有微粒~比魚食左唔好架^^開頭養魚係咁架啦~慢慢黎啦~^^好快就冇時架啦^^

2007-05-17 09:56:59 補充：
唔緊要~以前我都唔太信硝化細菌,等等既野可以有效~但事實就係咁,不過你都只係岩岩正式起步~一定會擔心架啦~慢慢黎~大把野學~本人自問都係只懂皮毛^^都係分享下心得者^^~唔明問人都好正常~都唔洗怕阻到我~我夜晚大把時間~另外如果d水開始清返,咁你唔洗換太多水了1/4-1/5缸已經ok!但餵野食方面真係唔洗太擔心,魚餓好過飽~起碼食小d,屎都小d,d水都冇咁易黃

回答 (2)