喺公立醫院生仔定喺私家醫院生好?

我覺得公立醫院好 d 囉, 日日無時無刻都幫人生
因為我聽聞私家醫院係咪都叫人開刀生,
可以收多 d 錢 ar ma

我係喺威爾斯開刀生嘅,
開頭都係順產, 但阿 b 臍帶纏頸所以先要開刀,
之後產後檢查時 d 醫生個個都話我傷口埋得好靚,
但因我自己身體唔好搞到入面發炎...
而且我冇試過訓走廊...

公立醫院係可以俾d先生入去睇BB出世, 至少我先生可以

探病時間係規定咗 ga, 我記得好似係 5pm - 7 定 8pm
就算一個人都唔會好悶,
因為開刀生之後會好痛, 我第三日先落床,
順產嘅第二日 d 姑娘就會俾你落地行,
而無論係邊樣, 等姑娘覺得你身體 ok 時,
會俾你去聽講座同教你點幫阿 b 沖涼
期間如果餵母乳的話, 你唔識但係姑娘會好俾心機教你,
如果餵奶粉, 你直情乜都唔使做可以休息
仲會教你換片同掃風, 好 nice

順產通常住 2 - 3 日, 我開刀住咗 4 日
只係計住院費 $400, 1 日 $100
講真, 私家醫院收咁貴 d 服務態度就梗係無懈可擊 ga la
我聽聞仁安冇 $20000 都唔使旨意走...

總括 d 嚟講, 公立醫院係超級大件夾抵食
私家醫院除非你有好充裕嘅 $ la~

2007-05-14 11:16:08 補充：
祝你生個 b 肥肥白白, 健健康康~

揀公立醫院定私家醫院，最重要係你想順産定係開刀．
重有你諗住用幾錢

公立醫院老公無得入產房，私家可以

公立醫院係有好嚴既探病時間，唔會覺得太悶，因為同一時間有好多產婦係你左近

生仔都係住頭尾最多３－４日左右

威記ｏｋ，因為勁多大肚自由行，仲有佢地既執生醫生都會好熟手

仁安住得舒服好多，又可以幫你煲豬腳薑，膳食都比較好

公立醫院幾多我唔係太清楚，但係醫家要起碼１．５萬以上