✔ 最佳答案
你缸水有幾熱?有冇溫度計?cheap cheap地都要有個。其實三十度都唔會死魚。
最簡單o既方法,用把風扇吹住個缸,最好吹水面,成四十五度角吹,可以降兩三度。水族店有d夾o係缸邊o既電腦風扇賣,大小任揀。亦有人用膠汽水樽製冰然後放入缸,但咁樣一來用唔長,二來水溫變化大,有白點爆發危險。
2007-05-14 10:21:04 補充:
見到星星兄解答,想回應幾句:其實一個潛水泵,應該唔會熱得去邊--除非冇乜水。但如果個缸細,我估又唔會用到潛水泵卦...兄台,你到底個缸有乜呢?另外我又俾一個我o既實例你:我有個三十寸缸,放o係一個西斜房度。我冇開窗,落左有反光層o既窗簾,水溫近日唔用一排六個電腦扇,會升到廿九度左右;盛夏時會開風扇,大約都係維持o係廿八至廿九,唔開風扇就會有三十一度左右。你個缸放o係邊度架?