依家夏天......個魚缸d水都越黎越熱,,,,

你缸水有幾熱？有冇溫度計？cheap cheap地都要有個。其實三十度都唔會死魚。
最簡單o既方法，用把風扇吹住個缸，最好吹水面，成四十五度角吹，可以降兩三度。水族店有ｄ夾o係缸邊o既電腦風扇賣，大小任揀。亦有人用膠汽水樽製冰然後放入缸，但咁樣一來用唔長，二來水溫變化大，有白點爆發危險。

2007-05-14 10:21:04 補充：
見到星星兄解答，想回應幾句：其實一個潛水泵，應該唔會熱得去邊－－除非冇乜水。但如果個缸細，我估又唔會用到潛水泵卦．．．兄台，你到底個缸有乜呢？另外我又俾一個我o既實例你：我有個三十寸缸，放o係一個西斜房度。我冇開窗，落左有反光層o既窗簾，水溫近日唔用一排六個電腦扇，會升到廿九度左右；盛夏時會開風扇，大約都係維持o係廿八至廿九，唔開風扇就會有三十一度左右。你個缸放o係邊度架？

個魚缸成30幾度?你個缸一定好細!我有6缸魚最細8吋都冇超過30度，經驗話我知，只要水流動一般情況下都冇超過30度(比太陽直接曬就例外!)
死左好多魚bb(打大氣會有幫助，但要注意水流，太急魚bb會倦死!)

其實hkwaddle已經答左你問題~
不過我覺得比較奇怪,正常水溫係唔會去到三十幾度,因為我其中一個14吋養孔雀魚既魚缸係放響窗前,比太陽曬既時間至小都有5小時,宜家我都仲開緊曖管25度,但水溫都只係得26度.....所以我覺得你個魚缸好......怪......(以上SET缸位置唔係新手可以咁做,因為會有好多問題出現,不過我已經解決哂D問題!!)
所以我真係好奇想問下你個缸入面有咩用品!!
面除左好似hkwaddle所講,加電腦風扇同冰水法之外,你可以關左暖管(如用緊),另外如果你用緊既水泵係浸水式既,我諗你可能要轉用其他外置式水泵,因為水泵係會發熱!另外你要留意下室溫問題,可以將魚缸放響比較通風地區,而四周唔好有發熱既電器!!

2007-05-14 11:02:38 補充：
浸水式水泵都會有提升溫度架,一般都有一至兩度左右啦~~不過我同hkwaddle都有同一個問題,你個缸真係放響咩地方架........冇理由會高溫到咁架啵...