✔ 最佳答案
我同你一樣, 細個無得學就成為咗我一直既願望, 我而家彈得都得得地架. 我建議"工聯"啦$690有成12堂每堂1.5小時(入會做部員仲有九拆添, 入會費好似係 50.-), 上課地方有旺角, 天后同元朗, 有好多時間揀. 頭個兩堂好多人, 跟住d人見要交功課就閃吓閃吓走晒, 跟住就可以兩人或一人獨佔個鋼琴個半鐘嗱, 好開心呀. 如果係個別教授大約每月4堂, 每堂半小時, $500/月
至於你話個塊嘢唔可以用嚟當琴練架, 我試過架嗱, 完全唔同呀, 我起初好似你咁諗住用佢, 但真係好唔得, 最後就等過咗聖誕節見玩具特價時就用$99買咗個玩具電子琴(88個鍵, 係我第一個琴好難忘), 都ok個喎, 練到交功課架, 你可以放係床下底, 練個陣時就插headphone咁咪無人知咯. 你講個塊嘢係電腦商場就會有得買, 大約 $200-300.
2007-05-15 10:24:06 補充：
嘩...好多人答你呀, 選擇又多, 希望10個回答當中有一個可以幫到你.不過我就覺得如果係個別教授就會有一定壓力, 可能我一開始係諗住試一試, 所以就報d非個別教授, 當我變成個別教授時就覺得比較大壓力, 因為成半個鐘都係望住我彈, 有時真係唔得閑練咁熟, 咁可能就無新嘢學就覺得浪費咗個堂, 但如果學新嘢架話, 舊既可能又唔再練, 總之好茅偱. 所以如果揾個別教授就要揀一個可以就到你既, 又可以改堂(唔洗無咗一堂個隻喎), 又唔可以學得過慢. 練琴係好重要既一環, 你要諗吓點攪, 你問吓學琴個到會唔會有得租或借比你練.
