我條鳳尾孔雀要生bb了...!!

多數都係將生bb既孔雀魚母分隔到生仔箱或生仔缸!!唔可以比任何魚接近或同缸,因為孔雀魚(不論魚公定魚母)佢地多數都會食bb,所以要小心!!
不過我想問你條孔雀魚母成日"倒樹衝" ??係生仔前定生仔後既事??因為有唔同問題,而生仔前佢係不停上下快速游動,定真係冇法正常咁游,成條魚頭下尾上呢??希望係響度補充一下,因為唔想答錯野!
另外我有4個知識+最佳答案,係講有關孔雀魚生產前徵兆到生產後要注意事項,你可以去參考下~
http://hk.knowledge.yahoo.com/question/?qid=7007041903089
http://hk.knowledge.yahoo.com/question/?qid=7007040400009
http://hk.knowledge.yahoo.com/question/?qid=7007033004229
http://hk.knowledge.yahoo.com/question/?qid=7007040703793


2007-05-13 21:31:53 補充：
孔雀魚bb第一日多數唔會食野~因為剛出世既孔雀魚bb會先消耗腹部既營養~到第二日先會食糧!現時因為未知你生完死左個條魚母咩事~但估計佢可能有病,因為你話佢成日"倒樹衝",所以佢有可能唔知患左咩病,生完身體十分弱,所以死左!而現時你可以做既就係再觀察下其他魚有冇異常情況!!有就先紜有問題既魚分隔出黎~必要時要用藥!

2007-05-13 21:32:03 補充：
另外d魚bb你用個細水盆養住先啦~因為你個大缸可能有細菌~但bb缸仔暫時唔洗用過濾,頂多打比一條氣喉毫可以了~但要留意水質,每日換70%水,見到有屎就吸走佢!!每日可以餵bb用粉狀魚糧,不過好易令水質變差,要小心,每次唔洗餵太多,小小已經可以,一日3-5餐,約5小時一次即可,一日2次亦冇問題,不過小食多餐比較保障!!仲有就係新手死魚係好正常,因為你未有一定經驗,慢慢面對唔同問題之後,你就會開始掌握到基本養魚知識!

2007-05-13 21:34:01 補充：
其實你真係講下你條魚母,未生之前有咩事,魚缸有用緊咩器材,餵食量又係幾多,水溫,ph值等等都講哂出黎,可以更準確幫你分析魚缸有咩問題!!

鳳尾公要隔離, 鳳尾乸生完BB都要隔離, 因為鳳尾乸都會食番D BB.
鳳尾孔雀一次可以生40條魚仔左右, 要小心照顧才會長大, 約個幾月至分得出公乸.

一定要將條公放埋入去隔離房,
唔係佢可能會食d魚b~
至於條阿媽成日"倒樹衝",
佢可能身體虛弱,
你要多d留意佢~