一家大細去 macau, 請問有邊幾間 hotel 好介紹?

視乎你的行程而定, 如果你係想relax下, 冇乜特別地方要去, 尤其是唔去賭場, 亦唔介意酒店的價錢, 咁威斯汀可以滿足到你!
座落在黑沙海灘的盡頭, 酒店以園林式裝修, 有一個很好的泳池, 有兒童遊樂室, 家庭樂一流, 只要唔介意佢好遠, 由碼頭去大約30分鐘(的士), 的士費大約120元。
可以輕鬆地到黑沙海灘玩, 小朋友最鐘意去! 一玩可以玩一個下午, 再到海灘旁的小食檔買野食, 其中一檔叫泰臣燒烤, 燒豬扒包都係$8, 抵食又好食, 其他燒烤食物都又平又好食, 我地試過兩公婆和個仔, 三個人叫左一大堆燒烤食物和兩罐汽水, 都係60元。
另外, 在黑沙海灘旁的黑沙公園內的葡國餐廳都好好, 由酒店去路環市區很近, 在黑沙的巴士站搭巴士去, 好快就到, 路環市區有好多餐廳, 有平有貴, 我最鍾意係雅憩, 佢個"桑拿蝦"一定要試! 然後食埋安德魯的正宗葡撻, 呢間係原創, 亦係我覺得最正的一間。
你可以check out後回澳門, 然後再到一些想去的地方, 例如鍾意行博物館的話, 澳門好多選擇, 我最鍾意係媽祖廟旁邊的海事博物館, 鍾意賽車的有賽車博物管, 還有紅酒博物館,通信博物館,消防博物館, 最悶的是澳門博物館。
想買手信的, 新馬路或大三巴附近都大把選擇。
想娛樂和影相的, 漁人碼頭是最好的選擇。

如果想多點在澳門玩, 不想在沙灘玩, 亦不打算游水的話, 萊斯酒店是以上四間之中的方便之選, 位於漁人碼頭入面, 環境好, 裝修是歐陸式的, 感覺也很好, 但沒有健身室和泳酒等設施。門口有巴士站, 亦有接駁巴士, 而且很近港澳碼頭, 所以第二天check out後, 可以把行李寄存在大堂(如果多的話)。
如果想平平地的話, 駿景是很好的選擇, 但無論房間的裝修, 環境都完全不能和前面兩間比, 唯一優勢係平而方便! 有超市在旁, 有巴士站, 對面係四面佛, 馬會。
但如果家庭樂, 我一定選威斯汀。

我會揀 駿景 , 萊斯 !!! 搭車方便 d !!

我會揀 2, 雖然地點遠一點, 但一家大細去是非常適合的. 泳池又靚, 又有兒童遊樂室. 食物又好. 景觀又靚.