澳門一日遊...請幫幫手安排行程..thx so much

即日來回嘅話，唔好太遲去，否則時間太少，可以玩嘅地方唔多．
假設你9:00去到，第一站議事亭前地，睇下D兩邊D葡式建築，去盧家大屋（可以順便去九如坊食木糠布甸，或者去黃枝記食竹升麵），玫瑰堂，然後去大三巴，入澳門博物館，響大炮台方向出．
之後去金沙參觀同埋食lunch buffet，然後過對面，金蓮花廣場，之後沿路行去星際賭場，永利賭場，新葡京，去安德魯食番個葡撻．
然後坐車去tower（鐘意嘅話，可以食aternoon tea buffet，都係上塔，多餐嘢食），之後順路去埋媽閣廟同埋海事博物館．
dinner可以去媽閣廟附近嗰幾間葡國餐廳食葡國菜，或者返去議事亭前地附近嘅寶石常記或者清平直街嘅陶陶居食翅（人少就食唔晒架啦）．
食完dinner去南灣湖睇下音樂噴泉，飲番杯嘢，之後可以去三元粥品食埋碗手打肉丸粥做宵夜先走．
一日時間，咁樣編排，都幾趕架啦．
怕唔識路，可以到澳門碼頭，去tourism center攞返張免費地圖，睇住黎行．