我的朋友問她該不該離婚

身同感受....以前我都有一個同佢老公一樣款既男朋友
同居一年...同你個fd講既野一樣....
我....當然係分手啦...因為我又唔係佢老婆又冇註冊 我冇必要為左佢做c奶

但你朋友唔同...其實佢地未結婚之前佢老公應該都係差唔多款
只係好多生活習慣 之前冇一齊住而唔知 所以而家係度訴苦

其實冇話該唔該離婚 只有想唔想離婚
佢老公份工超辛苦?所以返到個家咩都唔想做?
定係份工好遊閒...但返到個家一樣想做皇帝先?
睇返原因先....

我以前果個呢返工好遊閒...迫我唔準返工....為左係屋企有人會做野執野
佢都係一返到門口第一句就係問...煮好飯未? 如果我未煮好我會比人問侯媽媽
閒時佢係屋企 佢就會好管家咁睇實我做野...從未幫過手....
我都要用手同佢洗衫ka...唔係因為冇洗衣機...係因為佢覺得手洗好d
捱左一年...我終於覺得...呢個男人制唔過...我蝕一年青春比佢算....當然中途重有好多衰野
廢事講....

我既經驗講完 講返你朋友先....
如果你朋友有經濟能力 其實唔使靠佢老公既話 而且重要冇小朋友既話
離婚唔一定係壞事....
但如果佢地已經有小朋友...你朋友好多年冇做過野...年幾唔細
就真係要考慮清楚將來生活問題先....

我而家先知原來有人同我以前一樣.....難道真係天下烏雅一樣黑...唉
希望你朋友將來生活可以開開心心!!

唉！一的既小事就要閙離婚? 難道你既朋友係皇太妃？唔駛做嘢既咩，你知道你朋友既老公已經做佐一日既工都已經好夠辛苦既啦，係外邊仲可能受佐一肚子既氣，唔向佢虛寒問暖仲怪佢返到屋企唔做嘢，首先我要問清楚先，你既朋友既老公係唔係比你既朋友買番來做嘢既先，要佢做牛做馬既正夠本，夫妻係要互相體諒既，一面之詞唔可以聼既，雖然而家男女平等，都唔好以爲自己係對既，但係如果佢既老公又係啱既又點，教人打仔都唔好教人分妻，叫果的輔導員幫下佢地啦。

希望佢地能夠解決以上既問題，阿彌陀佛！

2007-05-15 01:46:35 補充：
佢地係溝通上出佐問題姐，無事架啦，幫下佢地啦。

2007-05-16 23:26:05 補充：
有一樣嘢我仲未問清楚，你既朋友琳琳有無做工呢？如果佢有做工，甘辛苦米請個菲佣咯，如果佢無做工，即係男駐外女煮内，的家頭細務好應該做架，除非佢既老公無做工既情形之下唔幫佢做的家頭細務，又另當別論，係日本，男人係權威, 女人比男人低既,，但係講多都無用，因爲佢地已經火上頭，開解下佢地啦。阿門

離婚是不能解決問題，
兩人相處一起皆在緣，
而長久相處融洽要兩大條件：–
(1) 寛恕心；
(2) 溝通心。
有事不溝通對方怎解決問題的源起，
不起寛恕心又如何去除憎恨心呢，
只要善用兩心，
問題自可解決。

你朋友現在有沒有小朋,如果有的,就要再三考慮,如果沒有,覺得對住呢個男人令自己痛苦多過開心的,就放棄啦,無為浪費自己寶貴既青春.