皮膚好乾點改善？

✔ 最佳答案

你可以試下用萬秀雷敦丫
沖完涼, 未抺乾時, 用大約食指第一節面積大的萬秀雷敦,
在手掌心搓勻, 塗抺全身及面, 跟住唔好沖水,
用毛巾印乾, 唔好用毛巾摔喎.
連續一星期, 乾裂的皮膚就會好明顯有改善的.

但我諗除治標外, 最好要治本, 即係調理下身體, 就咁飲水唔夠, 飲多D 滋潤湯水啦.
http://www.socialwork.com.hk/food/soup/html/soupindex.html
http://hk.myblog.yahoo.com/jw!XF521uCTFxn0FbVrqiLrLac-/article?mid=518

滋潤湯水~~打救冬日人乾檢舉網誌分類：糖水 / 甜品2007/01/06 10:56:20
滋潤湯水打救冬日人乾(蘋果日報 06/01/07)
冬天一到，最怕就係變人乾，口乾、鼻乾、唇乾、皮膚更乾，身子再差些就成日咳，更慘仲要便秘……苦不堪言，全部都係一家之「煮」入冬後，要為家人解決的頭號問題。中醫講究固本培元，滋補藥膳唔少得，醫師指出，胡桃仁煲湯可防口唇脫皮；桂圓肉整甜品既Sweet又潤膚美顏，加埋枸杞子，男士溫腎補陽都掂。要調理家人身子，真係要將食材食味功效認清背熟，咁先至夠Pro。
食譜提供︰本草安和堂中醫藥中心~~~李世德中醫師（2979 4168）

太子參蓮子大棗湯（需時︰1小時20分鐘）
材料︰太子參12克（或花旗參6克）、蓮子40克、大棗40克、冰糖或蜂蜜適量、水4碗
做法：太子參剪成小段後洗淨，蓮子浸20分鐘後去皮，大棗浸10分鐘洗淨。蓮子和大棗先加清水煮熟，隨之放入太子參和冰糖，煮至蓮子腍身即可。
點解滋潤︰所有材料主要能健脾益氣，中醫認為「肺主皮毛，脾主肌肉」，所以健脾可能滋潤肌膚。而且蓮子和大棗，亦能養心寧神。

健脾湯水︰胡桃仁烏雞參湯（需時︰1小時10分鐘）
材料：花旗參6克（或黨參15克）、淮山15克、芝麻30克、百合15克、胡桃仁30克、杏仁12克、豬瘦肉8兩、烏雞1隻、鹽少許、水12碗
做法：瘦肉汆水切片，所有藥材洗淨放入鍋中加水煮沸後，加入烏雞改中火煲1小時，最後加鹽調味。
芝麻︰強化腸胃，而胃主皮毛，改善皮膚乾燥，大便燥結 ; 百合︰潤肺
杏仁︰潤肺止咳 ; 花旗參︰健脾補氣 ; 胡桃仁︰改善脫皮及便秘 ; 淮山︰健脾

潤肺湯水︰沙參玉竹瘦肉湯（需時︰2小時）
材料：沙參/玉竹各15克、百合12克、銀耳10克、蜜棗4枚、豬瘦肉200克、水5碗、鹽少許
做法：銀耳發透去蒂洗淨，豬肉汆水切片；藥材洗淨，裝入紗布袋紮好袋口，與蜜棗同放鍋內加水燒沸，下豬肉片燉1小時，再放入銀耳多燉45分鐘，取出藥袋，加鹽調味即可。
沙參︰滋陰清熱 ; 百合︰清熱潤肺 ; 蜜棗︰益氣生津
玉竹︰能潤養陰，生津佳品 ; 銀耳︰滋陰潤肺，益胃生津瘦肉︰補血氣

枸杞桂圓青果甜糕（需時︰30分鐘）
材料：枸杞子6克、桂圓肉30克、青果30克、冰糖或蜂蜜適量、魚膠粉4茶匙（以水1/2碗開成）、水1-1/4碗
做法：枸杞子、桂圓肉及青果洗淨，放入鍋中加水煮沸，5分鐘後放入糖，再多煮3分鐘取出，可作糖水食用。若凍食則可另煮沸魚膠粉水（煮時要不時攪拌），與甜湯混和，攤涼後，放入雪櫃，雪至凝固即可。
點解滋潤︰此甜品滋陰靠青果，補血靠圓肉，潤膚美顏。桂圓肉補心補氣血，保持臉色紅潤；青果滋陰兼潤喉，又可改善皮膚乾燥的問題。另外枸杞不但明目，亦能溫腎補陽，是冬天消除疲勞、補身保暖佳品。

香蕉百合潤膚湯(秋)
功效：滋陰潤膚，消除大便秘結。將糖水早晚各飲1次，一星期一次。
材料：香蕉2隻、百合15克、米醋5克、冰糖適量
做法：先將香蕉去皮，然後與百合一起放入鍋內，加入七碗水，慢火煮30分鐘，加入米醋、冰糖，慢火把冰糖煮溶即成
注意：脾胃虛弱的人不宜常食百合

木瓜燉燕窩
功效：燕窩具有補中益氣、健脾潤肺的功效、補而不燥的滋補食品。
材料：燕窩1湯匙、木瓜、蜜糖、水
做法：所有材料燉30分鐘

木瓜燉蘋果海底椰蜜棗
功效：蘋果、海底椰和蜜棗都有滋潤養顏。海底椰同時有止咳潤喉之效
材料：木瓜1個，蘋果1個、海底椰4兩和蜜棗3枚
做法：蘋果去芯，除木瓜外煲20分鐘。放入木瓜內燉30分鐘

2007-05-12 10:19:32 補充：
呀, 提一提,用萬秀雷敦只需要很薄很薄一層, 即我上面教的份量就夠全身同面嫁啦,同埋一定要濕住水揸,因為佢有藥用性或因為是薄荷, 如果你的皮膚已乾燥爆烈, 初初揸會有o拿的感覺,但唔好就咁就放棄, 揸多幾日就會好好多嫁啦.我初初教我個讀中一的姨甥女咁做, 因為佢乾到爆, 第一次揸時嗌到飛起仲有皮膚有d紅添,但一個星期左右就有明顯改善, 宜家唔駛叫佢, 佢自己都會攞黎揸了。

2007-05-12 10:22:32 補充：
最緊要正字應該是"爆裂"

回答 (3)