咩係二按？點解借得多(e.g.九成）要做二按（另一個rate)?

因為香港的銀行規定做樓宇按揭貸款時只可以做樓宇估價的７成，這７成按揭貸款係正常的按揭貸款，銀行有足夠的保障, 利率會低一啲。當買樓嘅人唔夠錢俾３成首期時，　就要借多1-2成, 如果係同發展商買新樓的時候, 發展商為咗促銷, 就會由佢哋自己的財務公司借出嗰1-2成的首期(恒基新地和長實都有), 由於財務公司的錢都係同銀行借, 資金成本較高, 所以收的利息亦都要較高; 就算唔係新樓, 銀行自已做番嗰1-2成的貨款, 一般佢哋都會俾佢哋自己屬下的財務公司做番, 所以利息亦都會貴啲。依家最多的做法, 就係買按揭保險, 凡係超過7成的按揭貸款 , 都要買按揭保險, 保費會係整個貸款額的大約3%, 呢筆保費可以加在全個貸款額內, 然後照每月供款償還。
由於向你借出額外嗰1-2成的財務機構, 亦都會喺你的按揭物業的樓契上註明(落charge), 但佢哋對該物業的權就會低過借7成的銀行, 所以叫做二按(second charge),而向你借出7成的銀行, 其落的charge 叫做first charge, 如果你第日大吉利是冇錢供樓俾銀行收番間樓拍賣還錢的時候, 賣到的錢先還晒俾一按的銀行, 有剩先會俾二按的財務機構。

因為銀行最多借九成比你,而你要借多出九成,多出的部分就叫二按啦.二按當然貴息d啦.因為銀行為保障自己,有一成係唔借的,當樓價下降時,如果你斷供,銀行收樓,佢地都唔使亏本,而二按就是他們的保障,其實他們也是在賭博,所以二按是貴息d同還款期短d的.如果你有錢,就唔使做二按啦.