✔ 最佳答案
我都係養迷你貴婦的, 我隻狗現在已經差不多5個月了, 仍然間唔中都有周圍痾尿.
共實, 你可以買一個包膠狗籠, 下面會有一個膠盆, 你要放一 d 報紙係個盆上面, 噴一d "專教狗隻去廁所 " 的噴霧係報紙上面, 當佢聞到之後, 狗兒會知道要係果一個地方才可以去大小便. 但你必需要每日足住你隻愛犬, 每次 3 - 5分鐘, 每日 3 - 4 次或以上, 直接指住狗兒的小便器官, 同佢講 : 痾尿痾臭係依一道 -----> 當然, 你隻手要掂住佢個器官, 然後你隻手又要輕拍一下個狗籠-------> 不斷重複依一個動作.
另外, 當狗bb食完一餐之後, 佢會好快有屎痾, 咁你就要親佢食完野自由活動一陣之後, 困佢入狗籠 (當然, 困佢入去之前你又要同佢講頭先我教你的說話及動作, 用意等你隻狗明白困佢入去的目的), 你一定要等佢去完大小便之後才可以放佢出來玩, 否則無效, 不可以心軟沒有恆心 !!! 狗隻最初會不停咁吠, 你要忍心及同狗兒講 " 快d 痾尿或痾臭 "
順便提一提你, 當你教狗兒 " 痾尿痾臭 " 的一番話, 你就要以後用同一句說話同狗兒講, 切勿今次講 " 痾尿痾臭 " 下一次你自己講 " 大小便 " , 再下一次係又講 " 大解小解 " ----> 如果你咁樣做, 你會令道佢好混亂 !
仲有狗隻的臭 覺非常靈敏, 佢瀨左 d 尿係個地下上面就算你立刻拖地, 佢一樣聞到上一次瀨既地方, 唯一一個非常有效的方法, 你可以去超市買一樽 " 白唶 " (即煮野食果d), 清潔完後立即倒 d 白唶係頭先瀨尿既地上面 (不用開水), 隔幾分鐘後再用清水拖去, 咁就可以除味 ! 其實你可以用漂白水, 但我覺得用白唶安全一些.
你要記住, 每隻狗的領悟力同習慣有不同, 我想信好少狗隻能一番到自己屋企教一兩次之就可以自己懂去廁所, 簡直萬中無一. 基本上要教2-3個月才可以