ive的兩年制建築設計及科技高級文憑一問

1.我係讀文科o既，冇修過art，有冇問題?
以我所知宜家讀緊四年制o既建築設計及科技高級文憑o既level 1 同 level 2 都有好多文科生讀緊，我認o個幾個都冇收過art，應該冇咁o既要求。

2.兩年制o既建築設計及科技高級文憑第一年會唔會同四年制o既建築設計及科技高級文憑第三年一齊上堂?
以我所知兩年制o既第一年和四年制o既第三年非常接近。但係兩年制o既第一年須要讀一o的四年制第二年o既科目。所以我估會一齊上堂掛﹗因為兩年制係今年先開，所以除o左阿sir佢地之外，仲未有人知會唔會一齊上堂。

3.有o既咩o野學?
有o的Design o既o野學，成日見到佢地繪圖，素描，砌模型。有的理科o既應用科目，有o的功課都要計數。有o的科目同建造工程及管理高級文憑讀o既科目好似。

4.係唔係好多數計?
唔會多得過讀工程掛！佢地做Design o既o野都好多堂啦，咁點都有一o的工程科目o既。

5.出路好唔好?
好多大型工程就o黎開波啦，就好似添馬艦，西九，舊機場，觀塘重建等等。加埋今年開始政府重新招聘公務員，如果以高級文憑入職技術主任，月薪過萬，所以我都介紹今年A-LEVEL o的friend 報讀。

6.有冇得升degree?
畢o左業之後，可以用高級文憑o既成績報讀本地大學(香港大學、香港中文大學及香港城市大學)o既建築學學位課程。當然入港大同中大就冇咁易o架喇，不過CityU o個個Degree 講到明係收o的高級文憑同副學士o既學生，相信唔難入。

7.女仔讀會唔會比較蝕底?
我知道宜家四年制o既一二年班都有成三分一人係女仔。蝕唔蝕底？我知道二年班o既頭幾名都係女仔bor!