如果鯊魚一唔行就會死?????????????

係呀, 因為鯊魚冇鰓蓋.
鯊魚呼吸係靠擘大口向前游, 口中吸到既水唔係吞落肚, 係兩邊既鰓裂流返出來. 水經過鰓時, 溶解係水中既氧會滲透進入鰓血管, 二氧化碳由血管滲透到水中. 咁唔向前游就冇水流過鰓, 鯊魚會缺氧窒息.
係呢方面, 硬骨魚係進化d, 佢有左右兩片鰓蓋. 硬骨魚可以停低仲抖到氣, 因為當佢擘大口吸左一啖水時, 鰓蓋合上. 之後, 合埋口打開鰓蓋, 由鰓噴返d水出黎. 一開一合, 好似個水泵咁將水由口前方泵過鰓, 所以冇水流時都可以自己製造水流, 一樣抖到氣.
你有冇去過海洋公園鯊魚館, 有d鯊魚伏係水底擘大口都抖到氣, 係因為佢揀左一處本身有水流既位置訓覺, 擘大口就有水灌入口, 幾盞! 咁"如果鯊魚一唔行就會死"就唔係咁講啦.
------
另外, 樓上有個網友都講得岩, 鯊魚唔行係會沉既. 原因係鯊魚冇魚鰾, 但係魚鰭既形狀, 角度等, 就好似一架飛機, 向前衝就可以向上爬升, 但停左個引擎就會跌落黎.
硬骨魚有魚鰾, 調較好浮力, 可以好似熱氣球係空中(水中)飄浮, 不用下下向前衝, 咁唔向前行都唔會沉落水底.
不過" 如果鯊魚一唔行就會死"又唔係, 係沉啫.

鯊魚唔游會沉,,係咁沉就死..