我跟男友在夜總會認識,我結過婚,離婚過,他會接受嗎

我想提提你, 你認識他時, 他跟他的朋友一起上來夜總會玩. 你跟他上大陸玩, 跟他的朋友一起, 亦是同一班人. 所以他的朋友知道你來歷. 個人意見, 咁唔代表乜野. 你見過咁多男人, 你會知道男人的朋友分幾類: 一係酒肉朋友, 專門成班人花天酒地. 係呢類朋友面前, 你的出身來歷唔重要, 因為你有可能只係一個佢溝番黎既女. 另一類係兄弟. 如果佢肯俾你見佢d兄弟, 咁就係佢承認左你的地位. 直接d問你: (1)你有無見過佢d兄弟 / 家人? (2) 佢有無叫你唔好再做PR? 如果你是但一條答 "有", 恭喜你啦阿嫂!
你話 "他又四處去玩,夜生活,夜總會,曾經叫過雞", 唔代表乜野. 係男人都試過. 重要既係, 佢同你一齊之後, 有無四處去玩同叫雞? 當一個人愛另一個人時, 佢會專重果個人. 如果佢有左你, 重落夜總會同叫雞, 尊重極有限.
每一個人都有過去.每一個人 都有歷史. 重要既係現在同將來. 如果佢係愛你, 乜野年齡, 出身, 背景都唔重要. 而且無人叫你用大聲公話俾全世界知你係PR出身!! 真正的朋友係唔會理會阿嫂的出身的. "佢對我兄弟好就得啦! 理得佢係PR定RP??" 所以佢真正的朋友唔會說三道四. 如果有 "朋友"說三道四, 呢個 "朋友"可以不理! 咁d可以不理的人講d乜, 又有乜所謂?!?
所謂愛屋及烏. 你結過婚,現在一個人帶著孩子又點喎! 呢樣係你的歷史, 亦係一個永遠抛不開的責任. 佢接受唔到, 就無計啦. 但緊記, 要盡快話佢知. 他唔介意好, 接受不了都好, 唔好令佢覺得你呃佢!
做PR都係揾錢生存啫, 又唔係去偷去搶. 你有腦讀到書, 咪做你既經理囉. 我交際叻身裁good fit, 咪做我既PR囉. 各有各專長揾錢, 無話邊個好d喎. 其實我覺得好似係你自已介意你的背境出身多d囉! 佢都肯周街拖住你隻手, 唔怕俾熟人撞到, 你使乜成日諗你係唔係PR出身喎! 又係果句: 無人叫你用大聲公話俾全世界知架嘛!!
PR同失婚, 我個人就唔會介意任何一邊. 真係要我選擇, 最緊要係我有無本事養個靚仔啫!無本事既, 梗係唔想養多個靚仔啦!
放鬆d啦, 香港人!!
P.S. 我係一個好要面, 好大男人既男人!

2007-05-12 10:15:57 補充：
咁就ok啦!! 連中小學同學都見過, 已經 "出咗場"啦! 而家要做就係盡快將你小朋友既事話佢知, 唔好拖! 愈拖得耐, 就愈似你存心隱瞞. 兩個人相處要坦白. 試想吓, 有日你地行街拍拖, 有條靚仔行埋黎叫 "阿媽", 又或撞到d 3姑6婆問候吓你個仔, 到時佢會點諗?做人要記住 "易地而處" 四個字. 時時問吓自已, 換咗果個係我, 我會點? 咁係路會昜行好多架.P.S. 我其實係一個好要面, 好大男人, 但好多口水既男人!

我叫mickey,
係尖沙咀夜總會做左三年PR,外表都OK...........
我可以答你，沒有一個男人可以接受到自己女人做過雞．．．．你做這行媽咪入行前應該會同你講過
放棄．．．．我勸你都要專心工作．．．人總會老．．．我今年２４．．．賺夠就收手．．．正經地找一個愛你男人．．．我曾被男人包過幾次．．你信我．．千奇吾好同你男友玩認真．．．．一旦反面．．．受傷的只有你．．．．

Q1::我係女仔
Q2::當佢帶你上去見佢D朋友,,佢就唔會再介意你ge過去,,認識過程,,相反想你有個安全感,,希望佢ge朋友都更加認識你,,希望你同佢地打成一片,,可以進入佢地ge圈子
Q3::如果大家只係初初發展,,我唔會將我結過婚,,有小朋友ge事同佢講,,再過段時間,,你認為需要對佢坦白ge時候再同佢講啦~可能佢都好接受到,,佢都好鐘意小朋友呢?哩方面你都唔需要太過擔心~
Q4::我唔知道你位男性朋友幾多歲,,其實如果比較成熟,,佢兩者都唔會介意~但係較年輕我就覺得佢會較為介意後者。原因係較成熟ge男人都會較體諒,,如果大家感情都穩定,,就唔會因為兩者而影響佢對你ge感覺同感情!!相反唔係咁成熟ge男人仲未有個心理準備有個家,,仲覺得需要自由空間,,咁就會較難接受後者,,小朋友ge責任係大~而且需要放好多愛心同時間落佢地身上,,佢未必會咁快接受到,,

其實佢唔介意你的工作,,同你認識的過程,,
介紹你俾佢朋友認識係希望令佢朋友知你地關係~
你放心啦,,
如果你覺得要對佢坦白,,增進大家的了解
再同佢講你有結過婚,,有小朋友吧,,
你咁擔心,,反而會影響你地感情
順其自然,,時候到再講啦~
希望幫到你~

首先, 結過婚有小朋友唔係咩唔見得人既事, 而家20世紀, 最重要你地一齊開心, 佢會對個小朋友好就ok!
當日我都離過婚有個7歲女兒, 後尾遇到我而家老公, 我地一齊好開心佢又好鍚我個女, 佢爸媽當初仲好反對我地, 後來我地同居仲有左bb...佢爸媽見到有孫仔就接受左我地!
你應該知道離婚有小孩唔係咩罪過, 人人都有過去.. 你自己都介意自己既過去, 人地又會點睇你呢??
另外..佢係一個點既人, 認識左幾耐?! 慢慢睇清楚.. 佢有過去你有過去即使大家都唔mind, 以後就要好好做人... 例如打算下將來.. 工作..生活.. 你既工作都唔可能長遠, 為小朋友又好為自己都好..可能就改變一下啦^^ 至於佢接唔接受到你..你可以試帶埋小朋友見佢, 睇佢對小朋友好唔好就自然會知! good luck

如果你同佢示愛之後，佢都鍾意咗你，而且係真心，佢應該唔會介意你有個讀小學嘅細老仔，亦都唔會忍心見到你咁苦。

愛情係無法抵擋，所以你唔洗驚佢啲朋友介意。不過佢咁似kidult，驚你接受唔到就真！

I'm Women.
相信需要時間去觀察,你做ni行,都見識好多人..
之不過...我勸你唔好甘快投入,可能佢係騙子.
sorry,我都唔想傷你心.因為你有個細路.好容易會投入同比人照顧.總之小心d 啦...
最後祝你好運...