[急]異地戀會係愛情上一個好既考驗定障礙?

其實你話係考驗又得~話係障礙都可以~
因為你根本唔知道佢係個邊生活係點~~佢可以話比你知剩係愛你
但係又可以去同第二個一齊...始終你未見過佢~剩係同佢傾電話~
佢要呃你根本係一件好易o既事~
而佢又可以呢頭接受你呢頭去同第二個一齊...因為好多野你根本睇唔到~
亦咩都唔知~佢講o既野有幾多係真幾多係假你根本都唔知道...
所以其實真係好辛苦......
你話咁樣係考驗你地兩個人之間o既愛情同對大家o既信任又得~
你話因為你地分隔兩地~所以係一個障礙又得...
視乎你點睇......
不過其實有d異地戀都可以有情人終成眷屬~但有d就好快玩完......
所以係要睇你地雙方o既信任囉~~~
講真~相處得耐都冇用...因為你始終未見過佢~~了解佢一定唔會比見到面個隻了解多...
所以我覺得如果你覺得真係辛苦就放棄...
無謂勉強自己

唔好因一時意氣而失去身邊既人
我自己依家都係異地戀
我地都係學生
我明白有時打電話去,但無人聽既心情
但如果佢真係有野做,就唔好怪佢la
你地通常幾耐傾一次電話?
打得太多可能真係會好似迫得佢太緊
我自己平均黎計,兩日傾一次電話左右啦
而且我地每幾個月都會見一次面既
係考驗定障礙就因人而已
放鬆少少,唔好迫得大家太緊

我認為一般來說異地戀,最後會結婚既機會率都很低，當然凡事有例外啦！
原因異地戀最大的困難是由於雙方面都沒有面對面的交流，只憑書信、長途電話、email、視像電話等方式來交往是不足夠。
一對戀人是很需要大家一起做一些事情來增加大家彼此之間的深入的了解和的認識。
例如：一起去行街買東西就可以了解大家選購物品的原則、大家一起打羽毛球就會增進大家在玩耍中的情趣、大家一起就可以直接用言語表達愛意和親熱的舉動如接吻等。
我所例舉上面一起才能做的事情並不是異地戀可以做得到。
你之前都試過異地戀,不過半年就散左喇，你只得13歲（年紀太輕）固然是一個重要的問題，但並不是唯一的問題。
我相信上面我所提出的才是最關鍵性的問題。

異地戀比較幸福嗎?
答案是NO
原因上面已提及。
我亦見過一些真實的例子，大家原本是戀人，後來因某些原因彼此被迫分隔兩地變成了異地戀，很多時候若果這對戀人分隔的時間愈長，散的機會愈高。
原因大家失去很多親密的接觸和交流的機會。
彼此亦有機會認識異性朋友，這樣就很容易會移情別戀了。
這是很正常的現像吧！
所以另外一個原因是很容易使雙方面任何一方面變心去找另一位戀愛對象。

老實講, 除非相方都有共同目標, 好堅定, 否則大家的生活裡都會有很多變化的, 我自己並不睇好, 至少如果係我, 我就無咩太大既信心去維持