醃肉的問題

1.可以, 不過唔係咁好味喎....如果你想整出唻既肉有生果味可以用果jam啦, 教你整日式spare ribs:

spare ribs即豬肉排, 大家所謂既金莎骨 6件/6條 每條大約一個手攬位長 即約18-20cm.
萬字豉油 2大茶匙
沙糖 1大茶匙
白油即普通米酒 1小茶匙
雞粉 1小茶匙
鹽 半小茶匙
蒜蓉 2大茶匙
橙味 or 檸檬咪果jam 2大茶匙

a. 將以上材料撈埋一齊, 醃2-3個鐘 (可以耐少少, 入味d) 放入雪櫃
b. 用中火慢慢煎 10-15分鐘 (途中可以加少少水, 會有汁出唻)
c. 肉熟後, 再用大少少火煎5分鐘, 乾身後上碟

完成, 非常簡單又好味!!!

2. 其他醃肉法 (牛, 豬, 雞)

雞粉, 鹽, 豉油, 各樣少許 特別係鹽, 因為雞粉同豉油已經有咸味架喇, 所以少少就夠.
將以上3樣撈晒入d肉後再落少少鷹粟粉同麻油, 依兩樣野既作用係保護d肉汁同味唔好流失. ******牛肉唔好落鹽, 落左鹽牛肉會變"銀/硬"架************

3. 同問題1. 一樣啦, 可以用果jam代替, 簡單好多時又好味d, 正常煮有果汁味既野食都用果jam, 如果你想上碟時好睇d, 比人知用左生果, 可以係煮到8,9成時放幾片/楷橙同檸檬等其他生果入去, 炒兩炒後即時上碟就ok架喇.

4. 可以先將雪藏過既肉放入熱水煮一煮先, 放幾片薑可以除去雪藏味同埋出d灰灰啡啡既血出唻-->水滾會變泡, 浮係水面.
而菜基本上雪藏左都唔會有咩野分別, 如果一定要用雪藏菜煮野食既話, 煮時放d麻油同埋薑或者蒜頭就唔覺架喇.

希望幫倒你!

你用任何果汁醃肉，基本上都無問題。
若果你想去除肉及菜的雪藏味？
肉類方面，在醃肉時加入薑汁酒，都可以去雪味。
菜的雪藏味，烹調前可加薑片飛水，咁就無問題。