小第need help

有好多可能啊~ (由最大可能開始講啦)

1) 佢唔知點答你. 其實網名呢家野好普通, 一串英文字 or 一組數目字 都可能無乜意思的. 英文字唔一定係自己個名. 數目字唔一定係生日日期. 所以都費事覆你.

2) 佢想吊你癮. 好多女仔鐘意扮晒野, 知你有意思就會特登唔覆你住. 等你囉囉攣, 過一排先覆你.

3) 佢有左男朋友. 有d人好得意, 有拖拍之後就會斷晒所以朋友, 總之有仔/女萬事足咁. 我唔知佢係咪呢類人, 不過都有機會.

4) 佢對你無feel. 如果知道自己無feel, 費事令你誤會落去, 所以唔覆你囉.

5) 佢收唔到你個message; or 唔明你想問乜. 照計而家d網絡唔會發生收唔到呢回事, 有時可能遲d, 不過都會收到. 定係你寫得唔清楚個內容? 令佢認為你表達能力有問題, 比我都唔覆啦.

* 希望你睇到我個reply時個女仔已經覆左你啦 q(^o^)p