✔ 最佳答案
PolyU BA (hons) Design嗎?
去面試前, 要諗定你想修邊一個範疇(Visual, Product, Interior和Advertising), 因為你到時面試當日要決定你將來要修邊個範疇, 同埋會根據你既決定要比邊份卷你做. 面試前亦要做下準備, 例如練下畫功, 留意下你欲主修範疇的設計和多看一些設計師的資料和設計.
以下為會員enalyrizo關於理大設計面試的建議:
本人揀Interior, 分別有文字題和創作題。文字題方面, 會問關於設計知識同你既個人見解。我記得我份卷有問過: ” Why is Modern Movement important? 你最鍾意Modern Movement期間邊位Designer? Why? 佢鍾意用咩structure?” 同埋 “講一個你覺得空間感好差的地方“。創作題就真係要畫畫, 我份卷就叫我畫一個屬於自已既空間, 同埋畫一個你familiar既Room。其他卷方面, 我知Visual Comm要d人畫四格漫畫, 同埋問裝雞蛋果個凹突紙皮可以有咩其他用途, 而Modern Movement一樣照問。全於Advertising同product design就唔多清楚喇。
我建議你考之前睇多d關於你想讀既concentration既資料, 仲有近代美術設計界上既歷史大事咁; 同埋揀幾個designer鑽研下佢地既style同影響。有時間就練下畫功啦, 畫野睇得ok重的。題目應該唔會番炒, 所以唔好太focus落我上述所講既past exam questions度。講真, 範圍都冇, 基本上都好難prep得好, 盡力而為啦。
P.S.: 理大於5月26日下午有聯招生諮詢日, 你到個日可以聽下個別選科輔導, 同埋選科及面試心得.
2007-05-11 17:55:02 補充：
總括而言, 面試問題會比較千奇百怪, 最重要係有創意, 但唔好太誇張. 第一輪面試係非常重要, 因為要合乎基本入學要求同第一輪面試表現滿意者才可參加第二輪面試, 第二輪是展示你的個人作品. Portfolio你整咩都得.如果想知更多面試心得, 可在這裡搜尋「理大設計」或「理工大學設計」.
2007-05-14 18:29:46 補充：
無讀過咪自己上網或者去圖書館搵資料囉, 上到大學無人好似中學咁只係塞一堆資料叫你讀啦! 大學係強調自主學習, 教授只係指導. 準大學生唔好再用中學生既思維啦!
