家計會落仔問題~~plx help

根據香港侵害人身罪中第四十七條規定，如果要申請終止懷孕手術，必須經兩位註冊醫生共同確信：

繼續懷孕對孕婦生命所構成的危險或對其身心健康所造成的損害比終止懷孕為大；或
胎兒出生後極有可能身心不健全並足以造成嚴重傷殘；或胎兒出生後極有可能身心不健全並足以造成嚴重傷殘；或
孕婦未滿十六歲；或
孕婦在三個月內曾向警方報案，自稱是亂倫、強姦、迫姦、誘姦或迷姦的受害者。
接受合法終止懷孕的婦女，懷孕期不得超過二十四週，但若為挽救孕婦生命而進行者則屬例外。合法的終止懷孕必須在政府指定的醫院或家計會手術室內由註冊醫生施行。
－－－－－－－－－－－－－－－－－－－－－－－－－－－－－－－－－－－
如果你係香港居民去公立醫院做就幾百蚊, 咁如果你打算去瑪麗做我建議你去d外科醫生度睇左先, 佢同你驗, 你同佢講你唔打算要, 叫佢寫轉介信俾你, 你拎住轉介信去就會快d, 當然醫生都會根據你個肚幾大啦, 佢地會幫你o係個肚4個月大之前做手術, 排期時間最快就由見左醫生數大約一個月或者鬆d啦, 所以你係去就要快d喇, 因為點都要等一個月度ga, 好似係逢星期二, 四定二五ga(你打去問, 佢唔係日日都有), 咁早上9點佢開門就要去ga la, 因為好多人 (會用局部性麻醉幫你做)

如果你去私家醫院做就$20000左右, 會好秘密, 無人知gei, 佢地唔會報警, 不過唔係間間都有, 所有教會醫院都無呢個手術做gei (會用全身麻醉幫你做)

如果去家計會就好似二千蚊左右啦, 都唔會報警gei, 可以choose o係家計會度做或者叫佢轉介都得, 灣仔o個間有得做, 個女醫生就好熟手gei, 不過就好粗老...=.= (都係局部性麻醉做)

最後mother choice你就唔洗唸喇, 因為佢地係唔鼓勵墮胎, 會提議你生出黎, 如果唔要就俾人領養, 你去佢就叫你返屋企唸下, 咁唸下唸下都唔洗落啦, 所以唔洗考慮...

希望幫到你...以後要安全喇, 仲有呀, 唔好唸住落左一次, 無咁易中第二次, 你依家呢個年齡係最適合bb生長gei時期, 亦都血氣方剛, 特別易中ga, 信我啦~只有媽咪幫到你ga咋 .

如果你想到家計會去的話，你可以致電有關的中心查詢或預約：

青 少 年 保 健 中 心 預 約 電 話
灣 仔
2575-4799
旺 角
2770-4994
荃 灣
2443-2773

上家計會個網度睇啦
我唔copy果d廢話出來了

家計會落仔大約要2000蚊度~不過佢唔會幫有左超過2個月的女性落
同埋我聽我朋友講,只要佢懷疑個女性有左超過2個月都唔會幫佢落

好似落之前要見社工同醫生,做手術係灣仔做~

你係唔係人嚟嫁,攪大咗個女友個肚就去落仔,
重唔想屋企人知,
做男人敢去做就敢去擔當,才有資格叫做男人
你而家嘅所作所為只係一隻縮頭烏龜,無資格叫做男人
但如今你懸崖勒馬還可以做回一個男人
立即同女友結婚才是你面前唯一的路,