篤手指血來驗血糖, 手指痛嗎?

篤手指只要留意細節係可以大大減少痛的
醫院篤0既位置都係手指頭0既面
無咩原因, 面積大又方便, 但會好痛
(隻手唔係d姑娘0既, 佢梗係唔理咁多啦, 又唔係佢痛)

試諗下, 有時我地唔使望住一樣0野而只要用手指一模都可以知係咩東東
原因係手指頭面有好多好多好多神經線, 模下外形後再將訊息傳返大腦就可以知道
而就係因為有咁多咁多神經, 所以就會特別痛, 真係痛歸心

其實, 只要篤過少少就可以大大減少痛, 又有血又唔使咁痛
位置係0係手指頭旁邊位置, 即係手指頭面旁邊0既地方
(將十隻手指頭互合, 掂到0既地方面全部唔篤, 只篤側邊位置)
呢d位置就少好多神經, 篤落去就唔會咁痛
(少少痛就一定有, 俾蚊咬咁, 但會差好遠無咁痛)

另外, 醫院用黎篤手指0既針比較粗, 相對亦會比較痛
而自己買返屋企驗0既血糖機d針就幼細好多好多好多,
而且有所謂0既soft lancet(軟身針頭)
又係無醫院咁痛, 又係差好遠0架
同埋篤之前整"興"隻手指, 血都會流得順d, 又可以免受第二次痛歸心
(唔夠血當然要篤第二次啦)

2007-05-11 23:58:28 補充：
自己買返屋企驗0既血糖機篤得好快, 噤一下掣, "啪"一聲就攪掂, 半秒都唔使

唔痛,我今朝返工先篤完.唔使驚.

放鬆d唔好望就唔痛啦...
佢篤左你都唔知架呀....
好簡單....如果你緊張..反而會痛呀...
好似比蚊針左一下咁...
唔洗驚喎...^^!

我自己覺得冇"打針"咁痛.
係用件小工具來篤手指的,很快, 1-2秒, 比打針快好多.