想開股票戶口

我認為去中國銀行開戶係一個唔錯的選擇！因你開股票戶口係唔使錢的,不過每半年就會收一次＄１００存倉費（唔理你入面有幾多隻貨…），但扣錢時有貨先收，冇貨就唔使收。而且而家仲做梗優惠，即存入現貨可以即沽，唔使hold十幾日先沽得，假如你本身有戶口就唔使開多個戶口，如果你冇的話，就可開個叫提存易的戶口做結算戶，因呢隻戶口唔夠＄５０００係唔使收錢的…有張提款卡比埋你用添，但如果起柜面拿錢就要比＄２０。咁如果你想開果些起柜面拿錢都唔使收錢的戶口都得，因如果你有股票戶口，即使你戶口唔夠＄５０００都唔使收錢（因免左…）所以都冇咩收費，相比起恒生銀行每隻股票每月收＄３０咪仲貴，加上你又唔一定咁快放，你要計下存倉費呀，其他費用呀咁架…
不過你可再發掘下有冇比中銀更着數既再決定丫，但我就比較過了…

逢銀行收費都過股票行。如果你每次買賣的金額多，你最緊要比較佣金最低收費，我用緊恆生，最低佣金$100。佣金最低收費點解咁重要？以按$8.40買一手(1000股)交銀為例：

股價 :$8.4 x 1000 = $8400;
佣金 ： $8400 x 0.05% = $4.2 ; 或 $8400 x 0.1% = $8.40 ; $8400 x 1% = $84;
都係收你最低佣金$100.

其他聯交所收費則間間銀行及股票行都一樣。

點解我用恆生？因為 (a) 銀行唔會結業走數；(b)我的主要銀行户口設於恆生，方便；(c)我只買不賣，蝕佣多；(d)恆生又有月供股票，佣金最低收費解為$50.

若有問題，俾e-mail 我啦。