✔ 最佳答案
如果係打傷,而粒野係有膿既,就應該係膿瘡,醫生有冇同隻鼠抽晒d膿出唻?定係仲有d在內?多數醫生都會抽膿,再用抗生素,但未必一次就可以抽晒出唻,抽唔晒就分幾次,抽到抽晒為止,如果唔係,等鼠鼠自己整爆佢既話,就可能好大件事.
抗生素係用唻對抗本身既細菌,同埋防止傷口再被細菌感染,記得定時服食所有藥為止,唔可以中斷.
如果你話打交之後有呢粒野既,就未必真係瘤,但係咪瘤最好就係睇醫生時問下,之前我隻鼠睇既時候,醫生摸下覺得係就會話要照下先知,所以就咁講都好難話粒野係唔係.
有d奇怪你睇既醫生話唔知係咩...如果佢唔知,應該要化驗or睇下洗唔洗照x光之類,唔知係佢診所儀器不足定係點啦..其實唔係個個醫生都真係識醫鼠,幾年前睇過一個讀緊獸醫既人話,根本讀書時係冇教點醫倉鼠(我估而家應該有既),倉既歷史得70多年,又算係新興既寵物,加上細小既身體唔係咁易去醫,所以如果呢個醫生睇唔好,或者試下拎d藥去睇下第個醫生啦,記得下次睇醫生問清楚係咩事啦.
愛護動物協會既儀器都唔多,所以之前睇呢d佢都有介紹大圍既醫生俾我,俾埋有關資料俾你參考一下:
愛護動物協會診所資料:
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
大圍珍禽異獸及寵物醫院
Tel: 2687 1030 地址:大圍積信街75號地下
http://www.taiwaiexotic.com/
除左食藥同睇醫生外,當然係要同第隻鼠分籠,鼠鼠本來就係獨居動物,真係十分唔適合一籠多鼠,特別係熊仔鼠,打既情況更加嚴重.希望你經過今次之後,唔好再一籠多鼠啦.
而家你隻鼠粒野咁大,一定要小心處理,咁大應該都有一段時間吧?病向淺中醫,俾心機好好照顧佢呢.
有粒野既話,周圍d毛係會甩緊d,因為粒野而咁樣既,而粒野會吸收鼠鼠既營養,所以鼠鼠一定會瘦,醫生應該係因為咁開維他命俾佢食啦.
牙過長多數就咁都睇得出,佢開口時會見到下面既牙特別地長,令鼠鼠難以合口咁既.
如果你隻鼠唔咬磨牙石,就可以買一d木制玩具俾佢咬,又或可以試下鹽磚.
鼠鼠係一定一定要磨牙,因為佢地既牙係不斷生長,唔磨牙既話,d牙會插穿鼠鼠,令鼠鼠死亡,用咩野俾鼠鼠磨牙都可以,但一定要夠硬,夠衛生,夠安全,唔會甩色,即係唔會整傷鼠鼠,唔會好尖,又唔會係膠,所以木制既野係最好既.
你隻鼠有打交既情況,又受傷,唔玩轉輪住都唔出奇,好好照顧佢等佢好返先睇下佢玩唔玩啦.同時都可以留意下個轉輪會唔會係令佢唔舒服,轉輪or地板如果係一間間通風既話,好易會卡住鼠鼠隻腳,所以係需要換d安全d既先好.
2007-05-12 00:39:08 補充：
咁我又唔知鼠既膿有冇透明色,兔既膿我就聽過話有白到透透地.1.5cm長其實都好大粒,除非隻鼠自己咬爛粒野,唔係都唔係咁易細啦,你隻鼠既情況,我係擔心佢咬甩粒野多d.但有d腫瘤係好堅固,就唔係咁易咬得爛.你睇既醫生有冇話除左食藥可以點?食藥粒野就會冇?定係要點樣做?照理你去睇醫生,除左睇有事既部份,應該都會全身摸下睇下隻鼠,牙齒過長係好易插死鼠鼠,如果真係過長,醫生應該好易留意到話你知,所以未必係過長既,如果你會再同佢去睇既話,可以再問下醫生.
2007-05-12 00:40:32 補充：
磨牙食物都只係有少少用,除非俾粒合桃(有鼠專食既)佢,但又要真係好大舊,唔係佢想放入腮就危險.都有一支支野食,入面係一支木,有野食包住,咁等鼠鼠食到入去就會咬到支木.膿瘡就多數打交做成,而腫瘤就有幾個可能既,除左亂食野之外,都會因為壓力,緊張都會有,如果膿瘡惡化,都會變腫瘤.鼠鼠既壽命短,其實都易有既,另一方向,都會因為遺傳,熊仔鼠係較第d鼠易遺傳到,而女鼠比男鼠又易d有腫瘤既.
