澳門的教堂

✔ 最佳答案

澳門都幾多教堂架（因為曾經係葡萄牙嘅殖民地，而天主教係葡萄牙嘅國教），如果只有兩日一夜，又想去其他地方，咁一定去唔晒咁多教堂，揀D就腳D有特色嘅去啦．其實除咗教堂之外，澳門仲有好多古物建築，文化遺產澳門歷史城區是也，連住一齊行仲有過齋行教堂啦．

如果你唔識路，咁建議你去到澳門碼頭或者關閘嘅tourism center，攞返張免費嘅地圖，看圖識字，照住黎行．

你可以去呢度睇下澳門政府officially介紹教堂嘅資料：
http://www.macautourism.gov.mo/cn/discovering/sightseeing_detail.php?catid=38

以下係個人意見：
大三巴牌坊－響歷史城區，澳門地標之首，遊客必去

聖母雪地殿教堂－響東望洋燈塔旁邊，好細間，有古壁畫，去開燈塔可以去睇下（東望洋燈塔係亞洲最古老嘅燈塔，有四百幾年歷史，好似仲係全世界仍然行緊嘅最古老嘅燈塔）

主教山小堂－響媽閣後面，旅遊塔對面嘅西望洋山頂，好有feel，不過唔多就腳，附近又冇乜嘢，除非你想睇下何特首嘅官邸，歐文龍貪嗰幅靚地王，禮賓府．．．．

路環聖方濟各聖堂－響離島路環市區，去開路環先去啦，唔係就唔使去啦

聖雅各伯小堂－響媽閣廟附近嘅聖地牙哥酒店裡面，好細間，去開媽閣真係好想去就去下啦

聖彌額爾小堂－響舊西洋墳場裡面，如果去完大炮台，又想去禮記食雪糕，都算就腳嘅（行多幾分鐘咁啦）

嘉模聖母堂－響氹仔龍環葡韻上面，去開龍環葡韻順便去埋，都OK嘅

花地瑪聖母堂－唔係好就腳，唔使去啦

九澳七苦聖母小堂－遠，除咗的士同私家車，冇乜車去到，唔使去啦

馬禮遜教堂－去開白鴿巢公園或者聖安多尼堂，真係想去都可以去下嘅，響公園旁邊，聖安多尼堂對面嘅墳場裡面（又係墳場呀～）

聖安多尼教堂(花王堂)－想去都可以去嘅，離大三巴唔係好遠（捷徑係響大三巴後門出去，左轉直行，見到樓梯左轉穿過間大廈行落去就到，大概行３分鐘，否則響大三巴前面行大路去，遠好多）

聖奧斯定教堂(龍嵩廟)－響議事亭前地對面民政總署旁邊龍嵩街直上到頂，附近有其他古物建築，可以一齊去（不過而家維修緊，入唔到去，只可以響門口睇下）

玫瑰堂－響議事亭前地行人專用區，非常就腳，值得去

望廈聖方濟各小堂－響普濟禪院（觀音堂）附近，去開就去下啦，唔係就唔使啦

聖若瑟修院及聖堂－唔係好肯定（唔係好記得）位置，應該係響聖奧斯定教堂(龍嵩廟)附近，可以順路去（不過好似入唔到修院喎）

聖老楞佐教堂(風順堂)－響聖若瑟修院及聖堂附近，想去順路去埋啦（不過維修緊，入唔到去）

望德聖母堂－響禮記對面附近，去開就去下啦

大堂(主教座堂)－響議事亭行人專用區上面，就腳，都值得去架

以下係澳門政府officially建議嘅歷史城區行程：

漫步澳門歷史城區
媽閣廟位於澳門半島的西南端，守護著內港的入口；港務局大樓位於媽閣廟左側的媽閣斜巷，往前經媽閣街就到了鄭家大屋所在的亞婆井前地；再往前經高樓街至風順堂街，聖老楞佐教堂聳立在街的盡頭。聖老楞佐教堂背後的風順堂上街連著三巴仔橫街，聖若瑟修院聖堂的大門就設在這裏，而聖若瑟修院則與聖堂緊鄰。三巴仔橫街往右折上夜呣斜巷是崗頂前地，這裏有聖奧斯定教堂、崗頂劇院和何東圖書館。崗頂前地經東方斜巷向下走到新馬路，旁邊就是民政總署大樓；民政總署大樓對面的議事亭前地，左有三街會館（關帝廟），右有仁慈堂大樓；由仁慈堂大樓經羅結地巷轉左，澳門主教座堂（大堂）就在眼前；經過大堂，進入大堂巷，盧家大屋巍然地靜立巷中；出了大堂巷就是板樟堂前地，左邊是優雅的玫瑰堂，往前走，經賣草地街再轉大三巴街，盡頭處，正是著名的大三巴牌坊高高地聳立。大三巴牌坊右邊是大炮台雄偉的身影，左邊則是舊城牆遺址和哪吒廟。大三巴往左拐出花王堂街，映入眼簾的，是聖安多尼教堂，不遠處就是白鴿巢前地，東方基金會會址與基督教墳場雙雙緊貼地候在前地的右側。而東望洋炮台、燈塔和聖母雪地殿聖堂屹立在澳門半島的最高峰東望洋山的山巔上，悄悄地觀看數百年來澳門的變遷。

回答 (2)