我同佢岩岩識個時，只係好普通既朋友。4年前，佢放工打比我，單純搵我傾電話，我當時都無理佢既動機，因為我有男朋友。
一直都有傾電話，關係慢慢密切，直至前年年頭，佢有女朋友，我地都有傾電話，不過大家都有另一半，唔會多諗。３個月後，佢同佢女朋友散左，我諗都無諗過佢會打比我，同我傾，而且都有喊。
之後，我地又繼續傾電話，我知佢一直都有掛住佢ｅｘ ｇｆ，但係佢有咩心事，都會第一時間同我傾。前年我有朋友生日，我為我朋友整左個蛋糕，佢知道之後，佢生日前都會問我：「你會整咩蛋糕比我食」。２月１４日又問我：「唔知有無人整朱古力比我食呢？」前年聖誕節，佢買聖誕卡比佢ｅｘ ｇｆ既同時，都有問我：「你想要咩聖誕卡？」，佢只係送左比我同佢ｅｘ（佢都有幾個好好既女性朋友）
我地既關係一直無變，直至上年聖誕節，我同佢同２個朋友去飲野，佢竟然由觀塘送我去旺角搭車，途中，佢話佢變左，以前既佢一定唔會送我，我就講笑咁問佢：「係咪因為愛上左我呢？」２次佢都無答。至個次我就留意左佢既舉動。
因為上年我有送聖誕卡比佢，所以我叫佢送生日禮物比我，佢送左個手動音樂盒比我。 我有3次病左，都幾辛苦，佢第２日起身立即打比我，問我好Ｄ未？ 之後我農曆生日前一晚，佢１１：３０ｐｍ打比我（平時好小呢個時間打比我），同我傾到１２：００ａｍ，我話：「今日係我農曆生日」（其實前幾日都提過），跟住佢就同我講生日快樂。（我唔知佢真係記得打比我定係咁岩） 第２日我地輸賭，我輸左，佢要求我立即去見佢。（我最終因為要返工無做）
有一次，係我無要求下，言談間比左個ｅ－ｍａｉｌ密碼我，之後又話其實比你知都無所謂，都無特別野睇。 今年情人節，佢都有問我：「唔知有無人送朱古力比我呢？」 ２月１４日前，幫我朋友慶祝生日，我地玩「真心話」，我問佢：「我係你心目中係咩？」佢答：「係好朋友」。當時我有好多朋友係度，我唔知佢答既係真定假。(其他人都識我男朋友) 情人節我送左朱古力比佢。我叫佢３月１４日回禮，我叫佢送耳環，佢買左一對比我。 以上所有佢做既事都無對過任何人講，包括我男朋友（佢地係朋友） 而家，差唔多日日都有傾電話，佢最常打比我就係佢放工返屋企既時間。
最近，我有個朋友幫我問佢，內容如下： 朋友：「如果你中意左個有男朋友既女仔，你會唔會同人講？」 男仔：「會同唔關事既人講，ｅｇ唔係圍內既人」 朋友：「咁你會唔會同佢一齊？」 男仔：「如果中意，都會」 朋友：「你對ｘｘ咁好，你係咪中意佢？」 男仔：「最近都有人咁問我，唔係呀！我係中意同佢傾電話，而且識左咁耐，會驚無左個朋友」 朋友：「真係少少都無」 男仔：「無呀」 朋友：「０．０１呢？」 男仔：「你問得咁ｄｅｔａｉｌ．．．咁有囉！」 呢個星期，佢少左搵我，就算傾計，佢都係串我同踏我，講到好唔中意我咁。（唔知係咪我諗多左）
我想問： 1.佢對我既係「朋友的愛」還是「情人的愛」? 2.而我，又有無愛佢呢？（好感相信一定有） 多謝大家睇晒咁大段文章，亦非常感謝大家既意見^^
