pls~~~

貓仔出世後好快就死左會有以下幾個原因:

1.有D貓仔係焗死係個胎盤到,因爲未乃及時整穿個膜.貓仔一出世係會有個羊水膜
架,如果貓 媽咪未及時咬穿佢就會發生D不幸事架喇.

2.有D人平時同個貓媽咪唔係咁close,當佢生完貓BB之後我地D主人又走去摸D貓
BB,咁D貓BB有晒我地D人頪氣味,貓媽咪就唔知道佢係自己個仔就有機會咬死佢.

3.有D貓媽咪唔會照顧弱嘅貓BB,係完全唔理佢地就真,我好多年前養個隻貓女就係
咁喇,佢當時生左两隻貓BB一隻好强壯,另一隻就弱過弱雞.我見唔多對路所以我用
飲管餵弱個隻飲牛奶,唔洗講佢梗係一天比一天長大喇.個隻貓媽咪就算唔見左弱個
隻都唔揾佢幾現實呀.後嚟個隻弱貓BB仲當晒我係佢媽咪跟到我實一實,我去邊佢都
跟住嚟.真係超可愛.

你隻貓女生BB個陣時有無D綠黃色既液體流出來，如果有既話，就有機會肚內既臍帶已斷，BB保不住。第二個可能性就係貓媽媽在懷胎期間，經常快速跳動，也有機會令胎兒死去。第三個可能性就係BB未夠足月時間出世，BB未完全發育。第四個就係BB出世時，媽媽未及時把胎膜撕開，BB呼吸唔到就會死.

我個隻貓媽媽都係咁呀.
佢生左隻bb出來,
但係bb有殘缺,
佢都唔比奶佢食呀,
終於5日就死左喇.

如果你下次見到你隻貓生完bb之後，故意唔餵某幾隻bb，即係佢本能上覺得果幾隻bb養唔大於是放棄，你就要出手！有時有d貓媽媽太後生就生bb都會唔識或唔想照顧bb而唔理佢地，都要人手湊bb。

你應該帶走果幾隻bb，人手餵奶，人手放便同幫佢地保暖，佢地先有生存0既希望，唔係十隻有十隻都會好快死！我好多朋友都係人手照顧比較弱0既bb而bb最後可以長大成貓，比心機！

2007-05-11 00:18:06 補充：
補充少少︰貓媽媽如果剛剛進入青春期就生bb，例如六至七個月大(等於人十至十二歲)，會有部份媽媽唔想照顧bb，因為佢地本身心智都未成熟。而且我建議你幫貓媽媽絕育，唔係悲劇可能再重演！