一般石地波boot有幾耐用?

當然睇你點踢。打龍門可以踢五、六年都得。
圖片參考：http://hk.yimg.com/i/icon/16/4.gif

正常情况下，踢像維記或修頓之類的石屎地，對 indoor boots 可以踢到兩年左右，一般都係鞋底蝕，鞋面仲好好。
師傅教落，想襟啲，最好買生膠底。
講耐用程度，Nike 同 Adidas 邊有大分別，兩個品牌都冇自己廠，全部OEM，而OEM(代工)廠不離嗰三幾間 (多屬台灣公司在大陸或印尼廠)，隨時Nike 同 Adidas 啲 boots 在隔籬條 line 生產。計我話佢地之間講耐用程度冇可能有大分別。
作為踢波嘅人，反而我想對 boots 快的爛，又可以換新 boots。
圖片參考：http://hk.yimg.com/i/icon/16/21.gif

樓上既三杉淳師兄講得好岩!最緊要都係睇踢咩位置!
我果對生膠底adidas波boot都踢左兩年(咩位置都打),個底蝕到連鞋龍裡面既鞋墊都裂埋!=.=
而家我都唔敢比佢落場,比佢出下街算咯!如果監硬去踢!容乜易踢踢下連個底都穿埋架?
如果想對波boot可以踢耐d既,真係要睇踢咩場地了,如果係人造草既(仲要叫d亞姐事先噴下水),對boot都可以踢到好耐!
至於nike定adidas耐用,我之前都有問個d波友,佢地話adidas會好d~而我就未著過nike既波boot,所以唔知~
而家小弟踢波都唔會用大牌子既波boot lu!因踢波對對鞋真係好傷!真係佢身傷我心傷呀!
朋友,不如咁啦!你學我cheap cheap地買對mesuca波boot,$100對,一對adidas等如4對mesuca了~adidas點耐用都唔可能以1打4啩!雖然鞋既質感無咁好!但我地都只係踢下波,玩下!又唔係要黎搵食!係咪?