我想問如果冇入息證明，但係夠錢俾三至四成首期，係咪已經可以上會？

唔一定得嫁, 你要穏陣啲好,先揾銀行,比晒料佢, 等佢覆實先好落訂呀。依家銀行俾銀監處睇到實, 都會好着緊借款人的還款能力 (即每月供款唔好超過每月入息的一半), 不過唔知你話自己冇入息證明, 係因為你有收入不過冇報稅呢, 還是真係一啲收入都冇呢? 如果你係做生意, 有收入,只係報到唔使納稅的話, 你亦都可以將你每月的銀行月結單(表明你每月的收支狀況)俾銀行睇, 則銀行亦會考慮的。
如果你真係一啲收入都冇得show 俾人睇, 但可以提供到一個有足夠收入的人幫你做担保人, 銀行亦都可能會考慮的, 利息亦未必會特別加高。你亦都可以揾財務公司傾傾, 一般財務公司對借款人的要求冇銀行咁高, 因為銀監處對財務公司冇睇得咁緊, 但利率就會比銀行高啲嘞.但都係高大約0.25%咁上下唧。

好似一定要有入息証明先得嫁