如何煮"雪菜肉絲冬茹絲上海湯面"?

正宗煮法....我唔係 copy 個 D 煮食網的. 我家係上海人.

先講材料.... 雪菜, 要去南貨店買. 返到屋企先用水浸約30分鐘. 之後扭乾佢. 好似扭毛巾咁. 跟住切細粒....菜葉部份去大幅切去. 因怕裡面有沙. 而且葉個部份唔係咁好口感. 跟住冬菇切絲, 豬肉亦切絲啦. 豬肉要調味喎.... 好似一般咁調味啦. 不過上海人會加 D 麻油及多少少老抽的.

麵方面, 你買到上海麵就用上海麵啦. 否則任何麵都 ok ka la. 視乎你家人既口味姐. 湯方面, 煲上湯太浪費時間 la. 故我地會用"氏雲生". 而又因雪菜有味....故 D "氏雲生" 上湯可以加水呀.... 一比一或少過一比一都得. 視乎你想濃 D 定淡 D lor.

跟住係炒雪菜肉絲 lak. 先燒熱隻鑊, 跟住中火到放 D 雪菜落鑊. 唔好落油住.... 要 'hon' 乾 D 雪菜先. 見到佢乾乾地身 lak. 拿起備用. then 冬菇絲, 落少少油, 油熱後放冬菇絲.... 加少許老抽兜兜佢. 又拿起備用.

跟住落油炒肉絲 la. 少時加半匙蠔油好味 D. 差唔多熟時加埋雪菜及冬菇絲 + 一茶匙糖. 兜暈即成....