代簽信用卡

信用咭付款的法律過程:
顧客提出以信用咭購買商店的貨物, 商店接到顧客的信用咭後, 向卡公司經刷卡機查核實該卡有效與否, 再由卡公司發出核實編号(俗稱 "攞code"), 確認該卡有效. 至此交易尚未完成. 然後由卡主簽署作實交易. 卡主簽署是代表卡主授權信用卡公司經銀行轉賬付款予商店. 而收取款項後, 商店即將貨物交予顧客完成交易. 整個過程以卡主簽署為最後確認交易.
代簽嚴重嗎?
如果一個人明知自巳並非卡主, 而在無卡主的明確同意(Expressly Agreed)去簽名確認信用咭交易, 佢就係犯左 "盜竊(Theft)", "以欺詐手法獲得財產(Obtaining Property by Deception)"及 "行使假文件促使銀行入賬(Use of a False Instrument to cause a bank entry)", 可被判處監禁.
你的情況就唔同. 你話 "....男朋友出街買野,佢因為拎住好多野無手簽名~我幫佢代佢簽佢個名....", 當時你男朋友在場, 佢無反對你代佢簽, 即係卡主已明確同意你代佢簽, 亦 即係你簽名時你身份就係你男友的 "授權代表(Authorised Representative)". 所以你並無犯任何刑事法例.
民事法律上, 你只係你男友的授權代表, 果單交易仍然係你男友經信用卡公司同各間商店所達成, 你無責任負責還錢. 就算有部份貨物在你手中, 亦只係你男友以信用卡購買後贈送給你, 你亦無責任還錢.
假若佢真係報警會點?
如果佢報警話你偷咭, 佢唔會告得入. 因為我相信在你每次代佢簽咭之前及之後, 佢都會有自已簽過咭. 咁點講得通話你偷左張咭?! 警察亦會第一件事就問佢: "由你代佢簽卡, 到你地分手, 都有一段時間, 佢亦應該收到月結單. 如果佢無授權你代佢簽咭, 無端端多咗成萬蚊簽賬, 點解當時又唔報警?"
佢明知你係在佢授權你代佢簽咭之情況下而去報警, 佢就犯左 "虛報案件(Making a False Report to Police)"(俗稱 "報假案")及 "浪費警力(Wasting Police Resources)"罪. 假如果佢俾埋口供話你偷卡或未經佢而授權代佢簽咭, 佢就犯埋 "作虛假陳述(Making a False Statement)"(俗稱 "俾假口供"). 如果佢話 "...唔比錢就報警告你..." , 佢就犯埋 "勒索(Blackmail)"罪及"妨礙司法公正(Obstruction of Justice)"**. 是但一條佢都要坐監!!
註**: 如有任何人知道或相信另一個(或多於一個)人企圖或已經干犯刑事罪行, 無論該罪行是否屬實, 而該人在收到任何好處後拒絕揭發或蓄意隱蹣該罪行, 便犯了"妨礙司法公正(Obstruction of Justice)"罪.
唔使怕佢, 亦無需俾錢佢!! 佢勒索你, 咪報警囉!! 正人渣!! 影衰哂男人!!

如果要告你，就要告盜竊。而你要係盜用男朋友信用卡先至構成盜竊行為，因為你唔係偷店內貨品。

以你所述，並不是盜用男朋友信用，因為他是在場的。

就算佢想屈你，都要其他情況配合，例如你地簽完卡當晚佢就報失，又或者當時佢有不在場證據。佢報警穿左煲，可被告防礙施法公正，最高要坐十幾年。

我睇佢都係大下你，想攞番D使用，唔使理佢啦。

信用卡是不容許代簽, 只有冒簽而且是刑事十分嚴重
首先他要證明是你冒簽, 信用卡仍在他手, 為何你可冒簽, 商店通常不會作證免除痳煩
除非他有其他證據, 否則只會受調查而告唔入, 所以想清楚簽名是否不像他像你, 而且小心談話被錄音, 但你可找朋友反錄音作被恐嚇證據

可以吾理佢，咭係佢既，咭公司吾會向你收錢。

但佢可以同咭公司講，名吾係佢簽既，佢吾認數。但佢咁做咭公司可能會報警，差人查到，如發現佢係知情下叫你簽既，佢會好麻煩，而你可能都會有麻煩，但吾會係叫你找咭數，而係模簽的問題。

為免大家麻煩，不如一人讓一步，自己付責番一部份咭數了結左件事好過，再見亦是朋友o麻。